(ត្បូងឃ្មុំ)៖ រដ្ឋបាលខេត្តត្បូងឃ្មុំ នាថ្ងៃទី០១ ខែកញ្ញា ឆ្នាំ២០២២នេះ បានបើកកិច្ចប្រជុំគណៈអភិបាលខេត្ត ប្រចាំខែកញ្ញា និងលើកទិសដៅអនុវត្តបន្តនៅខែវិច្ឆិកា ឆ្នាំ២០២២ ក្រោមអធិបតីភាព ឯកឧត្តមបណ្ឌិត អភិបាលនៃគណៈអភិបាលខេត្ត និងដោយបានការចូលរួមពីសំណាក់ លោកអភិបាលរងនៃគណៈអភិបាលខេត្ត នាយក នាយករងរដ្ឋបាលសាលាខេត្ត ជាច្រើននាក់ទៀត។
ឯកឧត្តមបណ្ឌិត បានសម្ដែងការកោតសរសើរ និងវាយតម្លៃខ្ពស់ ដែលបានខិតខំអនុវត្តតួនាទីភារកិច្ច ប្រកបដោយប្រសិទ្ធិភាព ក្នុងការចូលរួមគាំទ្រ គោលនយោបាយយុទ្ធសាស្ត្រចតុកោណ របស់រាជរដ្ឋាភិបាលកម្ពុជា។ ដើម្បីបង្កើនការងារឱ្យកាន់តែមានភាព សកម្មជាងនេះទៅទៀតនោះ ឯកឧត្តមបណ្ឌិត បានដាក់ចេញនូវផែនការសំខាន់ៗមួយចំនួន ជាការឆ្លើយតបទៅនឹងតម្រូវការ និងសំណូមពរចាំបាច់របស់ប្រជាពលរដ្ឋ រួមមាន៖
១.ការបែងចែកតួនាទី ភារកិច្ច និងរបៀបរបបធ្វើការងារចំពោះកិច្ចសម្រាប់ដំណើរការងារប្របកដោយប្រសិទ្ធភាពខ្ពស់។
២.ការបង្កើតក្រុមការងារចុះតាមបណ្តាមូលដ្ឋានក្រុង-ស្រុក ក្នុងភូមិសាស្ត្រខេត្តត្បូងឃ្មុំ ។
៣.ពង្រឹងអនុវត្តការងារតាមវិស័យនីមួយៗ ឱ្យទទួលបានប្រសិទ្ធភាព ប្រសិទ្ធផល ។
ឯកឧត្តបណ្ឌិត ជាម ច័ន្ទសោភ័ណ មានប្រសាសន៍ថា រៀងរាល់កិច្ចប្រជុំប្រចាំខែ របស់គណៈអភិបាលខេត្ត អភិបាលអភិបាលរងខេត្តទាំងអស់ ត្រូវតែចូលរួមដោយផ្ទាល់ជាដាច់ខាតលើកលែងតែ ករណីចាំបាច់មិនអាចខានបានដើម្បីដោះស្រាយបញ្ហាផ្សេងៗហើយឆ្លុះបញ្ចាំងក្នុងការងារកន្លងមក រួមគ្នាបំរើប្រជាពលរដ្ឋ ជូនជាតិមាតុភូមិនៃយើង គឺជាអ្នកទទួលខុសត្រូវរួម ក្នុងដឹកនាំបញ្ជាការងាររួម។
