លោកជំទាវ ម៉េង វ៉ាន់ដានីន ជាម ច័ន្ទសោភ័ណប្រធានកិត្តិយសសមាគមនារីកម្ពុជា ដើម្បីសន្តិភាព និងអភិវឌ្ឍន៍ សាខាខេត្តត្បូងឃ្មុំ បានផ្តល់ក្តីសង្ឃឹមដល់ក្មេងកំព្រា ៣នាក់បងប្អូន

ត្បូងឃ្មុំ៖ នៅព្រឹកថ្ងៃចន្ទ ខែសីហា ឆ្នាំ២០២២ លោកជំទាវ ម៉េងវ៉ាន់ ដានីនជាម ច័ន្ទសោភ័ណ ប្រធានកិត្តិយសសមាគមនារីកម្ពុជាដើម្បីសន្តិភាព និងអភិវឌ្ឍន៍ សាខាខេត្តត្បូងឃ្មុំ រួមទាំងលោកអភិបាលស្រុកត្បូងឃ្មុំ លោកជំទាវ អស់លោក លោកស្រី ចូលរួមរំលែកទុក្ខក្មេងៗដែលម្តាយស្លាប់ចោលដោយសារលង់ទឹក នៅភូមិត្រពាំងក្រពើ ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ

លោកជំទាវ ម៉េងវ៉ាន់ ដានីន មានប្រសាសន៍ថាមនុស្ស សត្វក្នុងលោកនេះដែលកើតមកហើយតែងតែស្លាប់ទៅវិញជាធម្មតា តែមរណៈទុក្ខនេះគឺជាទុក្ខធំជាងគេ ដែលមនុស្សគ្រប់រូបគ្មាននរណាចងជួប ចងឃើញ ចងឮឡើយ តែគ្មាននរណាអាចរត់ឱ្យរួច គេចឱ្យផុតបានទេ មានតែខំសាងអំពើល្អ បុណ្យកុសល ឱ្យបានគ្រប់ៗគ្នា ។

នៅក្នុងថ្ងៃបុណ្យទក្ខិណានុបទានគម្រប់ ៧ថ្ងៃនេះលោកជំទាវ បាននាំនៅ សម្ភារ: និងថវិការួមមាន៖
១.អង្ករ​២បេ​ ស្មើ៥០គីឡូក្រាម
២.មីម៉ាម៉ា ២កេស
៣.ត្រីខ ២យួរ
៤.ទឹកត្រី​ ២យួរ
៥.ថវិកាចូលបុណ្យសព ២លានរៀល
៦.ថវិកាសម្រាប់ផ្គត់ផ្គង់ការសិក្សាកូនៗរបស់ សព ២លាន៛

បើយោងតាមគណនី facebook ឈ្មោះ ម៉េង វ៉ាន់ដានីន របស់លោកជំទាវបង្ហោះនៅថ្ងៃទី២៩ ខែសីហា ឆ្នាំ២០២២នេះថា «ក្មួយសន្យាហើយ ថានិងចូលរៀនចាប់ពីពេលនេះទៅ  ហើយមីងនិងធ្វើផ្ទះថ្មីអោយក្មួយវិញ តាមដែរយើងសន្យាគ្នា  ២៩ ០៨ ២០២២»ប្រយោគមួយនេះគឺបានផ្តល់ក្តីសង្ឃឹមក្នុងជីវិត និងភាពកក់ក្តៅ ដល់ក្មេងកំព្រាទាំង៣នាក់មានពន្លឺរស្មីក្នុងជីវិតបន្តទៀត៕