ត្បូងឃ្មុំ៖ដោយការយកចិត្តទុកដាក់អំពីសុខទុក្ខ និងការរស់នៅរបស់ប្រជាពលរដ្ឋយើង នៅថ្ងៃទី២៤ ខែសីហា ឆ្នាំ២០២២ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តត្បូងឃ្មុំ បានដឹកនាំក្រុមការងារជារួមជាមួយអាជ្ញាធរសមត្ថកិច្ចស្រុកត្បូងឃ្មុំ និងស្រុកក្រូចឆ្មារដើម្បីពិនិត្យមើលស្ថានភាពច្រាំងទន្លេនិងរកដំណោះស្រាយជូនប្រជាពលរដ្ឋឱ្យទាន់ពេលវេលស្ថិតនៅក្នុងឃុំទន្លេបិទ ឃុំក្រូចឆ្មារ ។
ក្រោយពីការចុះពិនិត្យនិងសិក្សាករណីបាក់ច្រាំងទន្លេខាងលើរួចមក ឯកឧត្តមបណ្ឌិត បានដាក់ចេញវិធានការជាបន្ទាន់ក្រោយពីមានការសំណូមពរពីសំណាក់បងប្អូនប្រជាពលរដ្ឋករណីបាក់ច្រាំងទន្លេនេះ។
ឯកឧត្តមបណ្ឌិត ជាម ច័ន្ទសោភ័ណ ក៏បានបញ្ជាចំនួន ២ចំនុច ទី១ អាជ្ញាធរ ពាក់ព័ន្ធទាំងអស់ត្រូវទ្រៀមសម្ភារៈកម្លាំងដើម្បីជួយប្រជាពលរដ្ឋឱ្យទាន់ពេលវេលា ទី ២ ឯកឧត្តមនឹងធ្វើសំណើជូនប្រមុខរាជរដ្ឋាភិបាលតាមរយៈគណៈកម្មការគ្រប់គ្រងគ្រោះមហន្តរាយ ដើម្បីមានវិធានការទប់ រឺ វិធានការនានាការពារការបាក់ច្រាំងទន្លេនេះ ចំពោះមុខ ឯកឧត្តមចាត់អោយអាជ្ញាធរ ជួយរុះរើផ្ទះ ដែលប៉ះពាល់ ។
សូមបញ្ជាក់ថា ករណីបាក់ច្រាំងទន្លេនៅឃុំទន្លេបិទ ស្រុកត្បូងឃ្មុំ អាជ្ញាធរបានជួយរុះរើផ្ទះប្រជាពលរដ្ឋទាន់ពេលវេលា ចំណែកនៅឃុំក្រូចឆ្មារ ស្រុកក្រូចឆ្មារ មិនមានផលប៉ះពាល់ទ្រព្យសម្បត្តិប្រជាពលរដ្ឋនៅឡើយទេ ៕