ខេត្តបាត់ដំបង! យោងតាមរបាយការណ៍ពីសមត្ថកិច្ចបានអោយដឹងថា យ៉ាងហោចណាស់មានបុរស០២នាក់បានស្លាប់ភ្លាមៗក្រោយបេីកបរមិនប្រកាន់ស្តាំ បានជ្រុលទៅបុករថយន្តមួយគ្រឿងក្នុងទិសដៅច្រាស់ទិសគ្នា។
ហេតុការណ៍គួរអោយរន្ធត់ខាងលើនេះបានកើតឡើងនៅវេលាម៉ោង ២០នឹង១០នាទី ថ្ងៃទី៣០ ខែមេសា ឆ្នាំ២០២២ នៅលេីកំណាត់ផ្លូវជាតិលេខ៥ ស្ថិតត្រង់ចំនុចក្រុមទី១០ ភូមិព្រៃចែក ឃុំកំពង់ព្រះ ស្រុកសង្កែ ខេត្តបាត់ដំបង ។
ប្រភពពីអ្នកឃើញហេតុការណ៍បានប្រាប់ថា នៅមុនពេលកើតហេតុគេឃើញ រថយន្តដឹកទំនិញធុញធ្ងន់(វ៉េអង) ពណ៌ទឹកប្រាក់មួយគ្រឿង ពាក់ស្លាកលេខ បាត់ដំបង 3A-4102 បេីកបរដោយបុរសម្នាក់មិនស្គាល់អត្តសញ្ញាណ (រត់គេចខ្លួនបាត់) បើកបរក្នុងទិសដៅពីលិចទៅកើត លុះមកដល់ចំណុចកើតហេតុ ក៏ស្រាប់តែមានម៉ូតូម៉ាកហុងដាឌ្រីម សេរីឆ្នាំ2017ពណ៌ខ្មៅមួយគ្រឿង ពាក់ស្លាកលេខ បាត់ដំបង 1AA-8490 បេីកបរដោយ ឈ្មោះ ជឿន ជា ភេទប្រុស អាយុ25ឆ្នាំ រស់នៅភូមិកំពង់ព្រះ ឃុំកំពង់ព្រះ ស្រុកសង្កែ ខេត្តបាត់ដំបង, និងអ្នករួមដំណេីរឈ្មោះ ណុប ផានិត ភេទប្រុស អាយុ25ឆ្នាំ រស់នៅភូមិស្រះកែវ ឃុំកំពង់ព្រះ ស្រុកសង្កែ ខេត្តបាត់ដំបង ទិសដៅពីកេីតទៅលិច មិនប្រកាន់ស្តាំទើបបណ្តាលអោយជ្រុលទៅបុករថយន្តពេញទំហឹងបណ្តាលអោយម៉ូតូចូលក្រោមឡានស្លាប់ទាំង០២នាក់និងម៉ូតូខូចខាតតែម្តង។
ក្រោយពេលកើតហេតុ សមត្ថកិច្ចជំនាញបានចុះទៅធ្វើការវាស់វែងធ្វើកំណត់ហេតុយកម៉ូតូនិងរថយន្តមករក្សាទុកនៅការិយាល័យចរាចរណ៍ផ្លូវគោកខេត្ត ចំណែកសពប្រគល់អោយខាងសាច់ញាតិយកទៅធ្វើបុណ្យតាមប្រពៃណី។