សហរដ្ឋអាមេរិកបានធ្វើតេស្តមីស៊ីលល្បឿនលឿនជាងសម្លេង៥ដង ដែលអភិវឌ្ឍន៍ដោយក្រុមហ៊ុន Lockheed Martin នឹងជាផ្នែកមួយ នៃកម្មវិធី HAWC(Hypersonic-Air Breathing Weapon Concept)។ នេះបើតាមចេញផ្សាយដោយ CNN កាលពីថ្ងៃទី០៦ មេសា ម្សិលមិញ។
CNN បានចុះផ្សាយថា មីស៊ីលនេះត្រូវបានបាញ់ចេញពីយន្តហោះទំលាក់គ្រាប់បែកខ្នាតអាមេរិក B-52 ស្ថិតនៅឆ្នេរភាគខាងលិចនៃប្រទេស។ ការធ្វើតេស្តនេះមិនត្រូវបានបើកចំហរនោះឡើយ ប៉ុន្តែបើតាមការសន្និដ្ឋានគេជឿជាក់ថា មីស៊ីលនេះអាចមានល្បឿនដល់ទៅ5-March ជាខ្នាតល្បឿនដែលលឿនជាងសម្លេង។
គួរបញ្ជាក់ថា រដ្ឋាភិបាលអាមេរិក ក្រោមការដឹកនាំរបស់លោក Joe Biden បានខិតខំលាក់ព័ត៌មាននេះ ចាប់តាំងតែពីពេលដែលត្រូវបានធ្វើតេស្ត កាលពីពាក់កណ្តាលខែមិនា មកម្ល៉េះ ដើម្បីអាចកាត់បន្ថយសំពាធ ជាមួយនឹងរដ្ឋាភិបាល ក្រុងមូស្គូ៕
