ស្រីលង្ការ អាចនឹងប្រឈមការដាច់ចរន្តអគ្គិសនីទូទាំងប្រទេសរយៈពេលយូរ ដោយសារលែងមានប្រេងម៉ាសូតផ្គត់ផ្គង់នៅក្នុងស្រុក។
យោងតាមការចុះផ្សាយដោយសារព័ត៌មាន CNA នៅថ្ងៃទី៣១ ខែមីនា ឆ្នាំ២០២២ បានឲ្យដឹងថា ប្រេងម៉ាស៊ូត លែងមានដាក់លក់នៅទូទាំងប្រទេសស្រីលង្កា ដែលធ្វើឱ្យការដឹកជញ្ជូនរាំងស្ទះ ខណៈដែលប្រជាជនចំនួន ២២ លាននាក់របស់ប្រទេសដែលរងគ្រោះដោយវិបត្តិ បានតស៊ូនឹងការដាច់ ចរន្តអគ្គិសនីរយៈពេលវែងបំផុតមិនធ្លាប់មាន។
គួរបញ្ចាក់ថា ប្រជាជាតិអាស៊ីខាងត្បូងមួយនេះ កំពុងស្ថិតក្នុងការធ្លាក់ចុះសេដ្ឋកិច្ចដ៏អាក្រក់បំផុតរបស់ខ្លួន ចាប់តាំងពី ទទួលបានឯករាជ្យ ដែលបង្កឡើងដោយការខ្វះខាតរូបិយបណ្ណបរទេសយ៉ាងធ្ងន់ធ្ងរ ដើម្បីទូទាត់ សម្រាប់តែការនាំចូលដ៏សំខាន់បំផុត៕
