(កូរ៉េខាងជើង)៖ ប្រទេសកូរ៉េខាងជើង បានបាញ់សាកល្បងមីស៊ីលផ្លោង ដែលកូរ៉េខាងត្បូង និងជប៉ុន សង្ស័យថា ប្រទេសនេះកំពុងបន្តការសាកល្បងអាវុធដែលអាចឈានដល់ ការបាញ់មីស៊ីលរយៈ ចម្ងាយឆ្ងាយ ដ៏ធំមួយ។
យោងតាមការចុះផ្សាយ របស់សារព័ត៌មានCNA នៅថ្ងៃទី ២៤ ខែមីនា ឆ្នាំ២០២២ នេះ ថា កូរ៉េខាងត្បូង និងសហរដ្ឋអាមេរិក បានព្រមានថា ទីក្រុងព្យុងយ៉ាងហាក់ដូចជា កំពុងរៀបចំ ការបាញ់សាកល្បងមីស៊ីលផ្លោងអន្តរទ្វីបICBM នៅរយៈចម្ងាយពេញលេញជាលើកដំបូង ចាប់តាំងពីឆ្នាំ ២០១៧មក។ ការសាកល្បងនេះក៏ត្រូវបានផ្អាកម្តងមកហើយ។
ទោះបីជាមានការបំពានទណ្ឌកម្មអន្តរជាតិលើកម្មវិធីអាវុធរបស់ខ្លួនក៏ដោយ ទីក្រុងព្យុងយ៉ាង នៅតែបង្កើនការជំរុញទំនើបកម្មយោធារបស់ខ្លួនកាលពីសប្តាហ៍មុន ដោយបានធ្វើការសាកល្បងបរាជ័យលើអ្វីដែលអ្នកវិភាគសង្ស័យថា ជាមីស៊ីលICBM រយៈចម្ងាយឆ្ងាយ ថ្មី។
ប្រភពពីយោធាកូរ៉េខាងត្បូង បាននិយាយថា ពួកគេបានរកឃើញមីស៊ីលមិនស្គាល់អត្តសញ្ញាណ ដែលបានបាញ់ ចូលទៅក្នុងសមុទ្រខាងកើត ដោយមិនផ្តល់ព័ត៌មានលម្អិតបន្ថែមនោះទេ៕