លោក Boris Johnson នាយករដ្ឋមន្ត្រីចក្រភពអង់គ្លេសបានប្រកាសផ្តល់មីស៊ីលចំនួន ៦,០០០ដើម ទៅឱ្យប្រទេសអ៊ុយក្រែនតទល់នឹងការឈ្លានពានរបស់រុស្សី ព្រមទាំងថវិកា៣០លានផោន (ជិត៤០លានដុល្លារ) ដើម្បីគាំទ្រទៅលើការចំណាយពង្រឹងសមត្ថភាពកងទ័ព និងអ្នកបើកយន្តហោះរបស់អ៊ុយក្រែនឲ្យកាន់តែខ្លាំង។
ការប្រកាសផ្តល់ជំនួយជាអាវុធនិងថវិការដ៏ច្រើនសន្ធឹកនេះទៅជួយគាំទ្រប្រទេសអ៊ុក្រែនដើម្បីប្រយុទ្ធទៅនឹងការឈ្លានពានរុស្សី ត្រូវបានកើតឡើងកំឡុងពេល លោកនាយករដ្ឋមន្ត្រីអង់គ្លេស លោក បូរីស ចនសុនបានចូលរួមកិច្ចប្រជុំកំពូលរបស់អង្គការ NATO និងក្រុមប្រទេស G7 កាលពីថ្ងៃពុធម្សិលមិញនេះ ពោលលោកបាននិយាយថាលោកនឹងគាំទ្រជួយពេញទំហឹងសម្រាប់ការពង្រឹងសមត្ថភាពយោធារបស់អ៊ុយក្រែនឲ្យកាន់ខ្លាំងក្លាបន្ថែមទៀត។
