តុលាការក្រុងមូស្គូ បានសម្រេចហាមឃាត់ Facebook និង Instagram ក្នុងប្រទេសរុស្ស៊ី ដោយដាក់ស្លាកក្រុមហ៊ុន Meta Platforms Inc. ជាបណ្ដាញសង្គម “ជ្រុលនិយម”។
បើតាមប្រព័ន្ធផ្សព្វផ្សាយក្នុងស្រុកបានឱ្យដឹងថា ពាក្យបណ្តឹងរបស់ការិយាល័យអគ្គរដ្ឋអាជ្ញានៃប្រទេសរុស្ស៊ី ធ្វើឡើងក្នុងគោលបំណងការពារជនជាតិរុស្ស៊ីពីការរំលោភសិទ្ធិរបស់ពួកគេ។ ក្រុមហ៊ុន Meta បានបំពានច្បាប់របស់ខ្លួន ដោយអនុញ្ញាតឱ្យមានការបង្ហោះ នូវសុន្ទរកថាដ៏ឃោរឃៅ ចំពោះយោធារុស្ស៊ី ហើយបានព្រងើយកន្តើយចំពោះសំណើរជាង ៤៥០០សំណើរ ដើម្បីលុបព័ត៌មានក្លែងក្លាយ ស្តីពីប្រតិបត្តិការយោធាពិសេសរបស់រុស្ស៊ី និងអំពាវនាវឱ្យមាន បាតុកម្មដោយគ្មានការអនុញ្ញាត។
យ៉ាងណាក៏ដោយ ក្រុមហ៊ុន Meta ក៏បានហាមឃាត់ មិនឱ្យធ្វើអាជីវកម្ម នៅក្នុងប្រទេសរុស្ស៊ី ផងដែរ៕
