បន្ទាប់ពីទីក្រុងកាប៊ុល ត្រូវបានក្រុមសកម្មជនតាលីបង់ក្តោបក្តាប់ លោក Khalid Payenda ដែលជាអតីតរដ្ឋមន្ត្រីក្រសួងសេដ្ឋកិច្ច នៃប្រទេសអាហ្វហ្គានីស្ថាន បានសម្រេចភៀសខ្លួនពីប្រទេសកំណើត ដើម្បីគេចពីការសម្លាប់ មករស់នៅអាមេរិក នឹងប្រកបរបរបើករថយន្តឲ្យក្រុមហ៊ុន Uber។
អតីតរដ្ឋមន្ត្រីរូបនេះ បានសម្របខ្លួនធ្វើជាអ្នកបើកឡានឱ្យក្រុមហ៊ុន Uber ដើម្បីរកចំណូលទ្រទ្រង់ ជីវភាពរស់នៅប្រចាំថ្ងៃ។
គួររំលឹកថា ក្នុងអំឡុងពេលប្រទេសអាហ្វហ្គានីស្ថាន ត្រូវបានវាយបំបែកដោយក្រុមតាលីបង់ មន្ត្រីជាន់ខ្ពស់ជាច្រើនរូប របស់ប្រទេសនេះ រួមទាំងប្រធានាធិបតី Ghani បានរត់ភៀសខ្លួនទៅកាន់ប្រទេសផ្សេង ហើយក្នុងនោះ ប្រធានាធិបតី Ghani បានរត់ទៅប្រទេសអារ៉ាប់រួម ដោយយកលុយទៅជាមួយប្រមាណ ១៦៩លានដុល្លារ៕
