ប្រទេសតួកគី បានធ្វើការព្រមាន នឹងបង្កើនការរឹតបណ្តឹង មិនឲ្យនាវាចម្បាំងមិនស្ថិតក្នុងប្រទេសដែនសមុទ្រខ្មៅ ឆ្លងកាត់ច្រកសមុទ្រ Bosphorus និង Dardanelles ដែលជាតំបន់របស់ប្រទេសតួកគី ស្របតាមអនុសញ្ញា Montreux។
យោងតាមការចុះផ្សាយដោយទីភ្នាក់ងារ
សារព័ត៌មានចិនស៊ិនហួ កាលពីថ្ងៃទី០២ មីនា ម្សិលមិញ រដ្ឋមន្ត្រីការបរទេសរតួកគីលោក Mevlut Cavusoglu បានប្រាប់អ្នកយកព័ត៌មាន បន្ទាប់ពីកិច្ចប្រជុំគណៈរដ្ឋមន្ត្រីថា៖ តួកគីបានជូនដំណឹងដល់ប្រទេសជាប់ទន្លេ និងមិនជាប់ទន្លេទាំងអស់ រឹតបណ្តឹងនឹងប្រឆាំងនឹងវត្តមាននាវាចម្បាំងរបស់ពួកគេឆ្លងកាត់ច្រកសមុទ្រ។
លោកបន្តថា៖ ស្របតាមអនុសញ្ញា Montreux គឺមិនទាន់មានផ្លូវឆ្លងកាត់ ឬសំណើសុំឆ្លងកាត់ច្រកសមុទ្រខ្មៅក្នុងតំបន់ទាំង២នេះទេ រហូតមកដល់ថ្ងៃនេះ។លោកបញ្ជាក់ថា ក្នុងករណីនាវាចម្បាំងត្រឡប់ទៅមូលដ្ឋានរបស់ខ្លួនវិញ ការឆ្លងកាត់មិនអាចរារាំងបាននោះទេ។
សូមបញ្ជាក់ថា អនុសញ្ញា Montreux បានបង្កើតឡើងក្នុងឆ្នាំ១៩៣៦ ដោយតួកគីមានការគ្រប់គ្រងលើការដឹកជញ្ជូនកងទ័ពជើងទឹកក្នុងតំបន់ Bosporus និង Dardanelles តភ្ជាប់សមុទ្រខ្មៅ និងសមុទ្រមេឌីទែរ៉ាណេ។ កិច្ចព្រមព្រៀងនេះអនុញ្ញាតឱ្យតួកគីកាត់ផ្តាច់ការដឹកជញ្ជូននាវាយោធាឆ្លងកាត់ច្រកសមុទ្រ ក្នុងអំឡុងពេលសង្គ្រាម លើកលែងតែនាវា ដែលត្រឡប់ទៅមូលដ្ឋានរបស់ពួកគេវិញ ប៉ុណ្ណោះ៕
