មានករណីអគ្គីភ័យមួយកន្លែងឆេះយានដ្ឋាន និងតូបលក់ទំនិញផ្សេងៗ សរុបចំនួន៩ ក្នុងនោះឆេះរថយន្តជាច្រើនគ្រឿង នៅក្រុងព្រះសីហនុ។
នាយកដ្ឋាននគរបាលបង្ការ ពន្លត់អគ្គិភ័យបានអោយដឹងថានៅយប់ថ្ងៃទី១៩ខែមករា ឆ្នាំ២០២២ ឈានចូលថ្ងៃទី២០ មករា ២០២២នៅវេលាម៉ោង ០១និង០០នាទី នៅចំណុចកែងរ៉ារថភ្លើងដែលស្ថិតនៅក្រុម១៣ ភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ។
មានករណីអគ្គីភ័យមួយកន្លែងបានកើតឡើងដែលបណ្តាលខូចខាតសម្ភារះដូចខាងក្រោម៖
១- តូបទិញអេតចាយ ឈ្មោះ ឃួន វុទ្ធី ភេទ ប្រុស ឆេះអីវ៉ាន់ទាំងស្រុង ។
២- តូបបញ្ចូលហ្គាស ឈ្មោះ ហ៊ួន ហុង ភេទ ប្រុស ឆេះសំភារៈខូចខាតទាំងស្រុង ។
៣- តូបអេតចាយ ឈ្មោះ សេង គង់ ភេទ ប្រុស ឆេះ សំភារៈ ឆេះខូចខាតទាំងស្រុង ។
៤- យានដ្ឋាន ឈ្មោះ ទុយ រ៉ា ភេទ ប្រុស ឆេះរថយន្ត ចំនួន ០៨ គ្រឿង ម៉ូតូ ២ គ្រឿង ។
៥- តូបឈ្មោះ យី សុធា ភេទ ប្រុស លក់ អីវ៉ាន់ គ្រឿងទេស (ចាប់ហួយ) ឆេះខូចខាតទាំងស្រុង ។
៦- តូបលក់អីវ៉ាន់គ្រឿងទេស ចាប់ហ៊ួយ ឈ្មោះ យី ឆវ័ន ភេទ ប្រុស ឆេះអីវ៉ាន់ទាំងស្រុង ។
៧- តូបលក់បាយ ឈ្មោះ ឆៅ ពណ្ណរាយ ភេទ ប្រុស ឆេះអីវ៉ាន់ ខូចខាតទាំងស្រុង និងម៉ូតូសណ្តោងរឺម៉កចំនួន ០១ គ្រឿង ។
៨- តូបលក់បាយ ឈ្មោះ លាង ដានី ភេទ ស្រី ឆេះអីវ៉ាន់លក់ដូរខូចខាតទាំងស្រុង ។
៩- តូបឈ្មោះ ម៉េង ផល ភេទ ប្រុស លក់គ្រឿងភេសជ្ជៈ និងបាយ ឆេះអីវ៉ាន់ទាំងស្រុងតូបចុងគេ ។
ក្នុងករណីអគ្គិភ័យបខាងលើនេះបានប្រើប្រាស់រថយន្តអន្តរាគមន៍ពន្លត់អគ្គិភ័យសរុប ១៤គ្រឿង ប្រើប្រាស់ទឹកអស់ចំនួន ៣៨ រថយន្ត ។
ក្នុងករណីខាងលើនេះមិនបណ្តាលអោយរងរបួសដល់មនុស្សឡើយ សមត្ថកិច្ចមិនទាន់បញ្ជាក់ពីមូលហេតុនៃការឆេះនេះនៅឡើយទេ ៕
រូបភាព៖នាយកដ្ឋាននគរបាលបង្ការ ពន្លត់អគ្គិភ័យ
