(ប៉ៃលិន) បន្ទាប់ពីរាជរដ្ឋាភិបាលប្រកាសបិទបញ្ចប់ព្រឹត្តិការណ៍ថ្ងៃ២០កុម្ភ:និង.ដំណើរការទេសចរណ៍ឡើងវិញ ប្រជាកសិករដែលប្រកបរបរដាំដំណាំផ្សេងៗនៅតាមបន្ទាត់ព្រំដែនបានសំដែងក្តីរីករាយយ៉ាងខ្លាំងនិងសង្ឃឹមយ៉ាងមុតម៉ាំថាតម្លៃកសិផលដែលផលិតបាននិងមានតម្លៃខ្ពស់ជាងនេះដូចកាលពីមុនជួបវិបត្តិកូវិដ.១៩។
ប្រជាកសិករ ឈ្មោះ គង់ កុល ភេទប្រុស អាយុ70ឆ្នាំ រស់នៅភូមិសំបូរ ឃុំសាលាក្រៅ ស្រុកសាលាក្រៅ ខេត្តប៉ៃលិន បានឲ្យដឹងថាគាត់មានចម្ការចេកពងមាន់ជាង១០០០០គុម្ភ(មួយម៉ឺន)គុម្ភដាំក្នងផ្ទៃដីជាង៧ហិកតា ចាប់ផ្តើមប្រមូលផលជាងពីរខែហើយ។
លោកបន្តថាក្រោយពីឮថាជម្ងឺកូវិដ.១៩បានថមថយនិងបើកទទួលភ្ញៀវទេសចរណ៍ដើរលេងកម្សាន្តគ្រប់ទីកន្លែងឡើងវិញពិសេសគឺភ្ញៀវទេសចរណ៍ក្នុងតំបន់អាស៊ានព្រោះកាលពីមុនជួបវិបត្តិកូវិដ-១៩ កសិផលរបស់កសិករមានតម្លៃខ្ពស់គួរសមអាចសល់ប្រាក់ចំណេញខ្លះ គឺចេកពងមាន់ដែលខ្ចប់អាចលក់បានតម្លៃចាប់ពី៣០ទៅ៤០បាត(ប្រាក់ថៃ)ស្មើនឹងជាង៣០០០ទៅជាង៤០០០រៀលឯណ្ណុះក្នុង១គីឡូក្រាម តែបច្ចុប្បន្នលក់បានតែ១៥០០រៀលប៉ុណ្ណុះ ហើយឈ្មួញក្នុងស្រុកទិញដល់ចម្ការដែលតម្លៃនេះស្ទើតែមិនចំណេញទេ។
ដូចគ្នាដែរ កសិករម្នាក់ទៀតមានឈ្មោះ សុវណី អាយុ២៣ឆ្នាំរស់នៅឃុំសាលាក្រៅដែលមានចម្ការចេកពងមាន់១០០០០គុម្ភកំពុងប្រមូលផល ក៍បានសំដែងក្តីរីករាយផងដែរក្រោយពីបើកប្រទេសឡើងវិញ លោកស្រីសង្ឃឹមថានិងអាចនាំចេញយកទៅលក់នៅក្រៅប្រទេសដូចមុន។
ហើយលោកស្រីបន្តថាបើតម្លៃដូចរាល់ថ្ងៃនេះមិនសូវចំណេញទេព្រោះប្រភេទចេកពងុំាន់នេះត្រូវការ ការថែរទាំដិតដល់ណាស់ទើបបានផលរីឯបច្ចេកទេសដាំនិងថែរទាំគឺចេះមកពីការទៅធ្វើជាកម្មករនៅប្រទេសថៃ និយាយរួមការថែរទាំនិងរកទីផ្សារគឺខ្លួនឯងផ្ទាល់គ្មានមន្ត្រីជំនាញមកសួរនាំនោះទេ។
ចំពោះទីផ្សារលក់ចេកពងមាន់នេះប៉ុន្មានថ្ងៃមុននេះឮគេប្រាប់ថាមានក្រុមហ៊ុនបរទេសគេមកចុះសួរដែរតែគេឲ្យកុងត្រាក្នុង១គីឡូក្រាមតម្លៃ១៥បាតស្មើនិង១៨០០រៀលតែក្រុមកសិករមិនព្រមទេបើអត់កុងត្រាបច្ចុប្បន្នលក់បានតែនៅថ្ងៃមុខសង្ឃឹមថាចេកប្រភេទនេះនិងអាចលក់បានទៅដល់ជិត១០០០០ម៉ឺនរៀលក្នុងមួយគីឡូក្រាម។
ពាក់ព័ន្ធទីផ្សារកសិផលនេះដែរលោក សុខ សាធឹម ប្រធានមន្ទីរពាណិជ្ជកម្មខេត្តប៉ៃលិនបានឲ្យដឹងថា លោកកំពុងតែសម្របសម្រួលជាមួយភាគីថៃ ដោយកន្លងមកមានការតឹងរឹងដោយសារវិបត្តិកូវិដ-១៩ តែឥឡូវគឺគេអាចទទួលយកកសិផងខ្មែរយើងបានតិចៗវិញហើយ មិនយូរទេកសិផលយើងនិងបាននាំចូលទៅប្រទេសថៃដូចមុនហើយមានតម្លៃថ្លៃថែមទៀត ក្រោមការសម្របសម្រួលពីអាជ្ញធរស្រុកជាប់ព្រំដែននៃប្រទេសទាំងពីីរ។
ចំណែកលោក ផាន សុផាណ្ណារ៉ា ប្រធានការិយាល័យក្សេត្រសាស្ត្រ ផលិតភាពកសិកម្ម នៃមន្ទីរកសិកម្មរុក្ខា ប្រមាញ់ និងនេសាទខេត្តប៉ៃលិន បានអោយដឹងថា ផ្ទៃដីដាំដំណាំចេក មានប្រមាណ ៣៨៧ ហិចតា ដោយក្នុងនោះមានដំណាំចេកពងមាន់ មាន៣៧ ហិកតា និងដំណាំចេកណាំវ៉ា ៣៥០ហិចតា គិតត្រឹមថ្ងៃកំពុងប្រមូលផលនេះ៕