ខេត្តបាត់ដំបង! កម្លាំងផ្នែកនគរបាលយុត្តិធម៌ និងកម្លាំងប៉ុស្តិ៍នគរបាលរដ្ឋបាលអន្លង់ វិល នៃអធិការដ្ឋាននគរបាលស្រុកសង្កែបានធ្វើការបង្ក្រាបឃាត់ខ្លួនជន សង្ស័យប្រុសស្រីចំនួន០២នាក់ពីបទចរាចរ ណ៍រូបិយវត្ថុ និង រូបិយប័ណ្ណក្លែងក្លាយ និងករណីប៉ុនប៉ងលួច(ម៉ូតូ)។
កិច្ចប្រតិបត្តិការនេះធ្វើឡើងនៅវេលាម៉ោង ៨និង៣០នាទី ថ្ងៃទី២២ ខែធ្នូ ឆ្នាំ២០២១ នៅចំណុចភូមិជំនីក ឃុំអន្លង់វិល ស្រុកសង្កែ ខេត្ដបាត់ដំបង
តាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរ បាលខេត្តបាត់ដំបង រួមនឹងយោបល់របស់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ និងលោកវរសេនីយ៍ឯក ស៊ុន សុវណ្ណ ជាអធិការនគរ បាលស្រុកសង្កែ ។
ជនសង្ស័យត្រូវបានឃាត់ខ្លួន
១-ឈ្មោះ ម៉ាន សំណាង ភេទប្រុស អាយុ២៣ឆ្នាំ មានទីលំនៅភូមិមិត្ត ភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ
២-ឈ្មោះ ថិត សា ភេទស្រី អាយុ ១៦ឆ្នាំ មានទី លំនៅភូមិទួលសង្កែ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ រួមជាមួយវត្ថុតាងមាន៖
-ក្រដាសប្រាក់ដុល្លារក្លែង ក្លាយ ប្រភេទ ៥០ដុល្លា សហរដ្ឋអាមេរិកចំនួន ០៦ សន្លឹក
-ប្រាក់រៀល ចំនួន ២៧,០០០ រៀល
-ទូរស័ព្ទដៃស៊េរីចាស់ ចំនួន ០១ គ្រឿង
-កាបូបប្រាក់ ចំនួន ០១
-ស្រោមដៃ ចំនួនន ០១ គូ
-ដែកកែងចុងស្រួច រាងអក្សរអិល សម្រាប់កាច់សោរកម៉ូតូ ចំនួន ០១
-កាវស្អិត ចំនួន ០១ កំប៉ុង
-ម៉ូតូ ចំនួន ០១គ្រឿង ម៉ាកហុងដាទ្រីម ស៊េរីឆ្នាំ២០១៧ ពាក់ស្លាកលេខ ភ្នំពេញ ១JC-៥៧៤០ លេខតួ-លេខម៉ាស៊ីន ៩៦៧៣៨៤៤។
គួរបញ្ជាក់ថា នៅថ្ងៃកេីតហេតុខាងលេី ជនសង្ស័យបានធ្វើសកម្មភាពយកក្រដា សប្រាក់ ដុល្លារក្លែងក្លាយទៅទិញអីវ៉ាន់នៅតូបលក់អីវ៉ាន់របស់ជនរងគ្រោះ ឈ្មោះ ឆាយ សុភាព ហៅ ទុង ភេទប្រុស អាយុ ៣៤ឆ្នាំ មានទីលំនៅក្រុម០៣ ភូមិជំនីក ឃុំអន្លង់វិល ស្រុកសង្កែ ខេត្តបាត់ដំបង ហើយភ្លាមៗនោះជនរងគ្រោះបាន ដឹងច្បាស់ថា នោះគឺជាប្រាក់ដុល្លាក្លែងក្លាយ ដែលជនសង្ស័យយកមកធ្វេីចរាចរណ៍ ទទេីបផ្តល់ព័ត៌មានដល់សមត្ថកិច្ចចុះមកបង្ក្រាបឃាត់ខ្លួនតែម្តង។
ក្រោយពីឃាត់ខ្លួនសាកសួររួចជនសង្ស័យប្រុសស្រីខាងលើរហូតមកដល់ពេលនេះត្រូវបាននគរបាលស្រុកក សាង សំណុំ រឿងបញ្ជូនមកការិយា ល័យជំនាញដើម្បីចាត់ការតាមនីតិវិធី ច្បាប់៕