ខេត្តបាត់ដំបង! កម្លាំងការិយាល័យជំនាញនៃស្នងការដ្ឋាននគរបាលខេត្តបាត់ដំបង បានចុះ ប្រតិបត្តិការ បង្ក្រាប ឃាត់ខ្លួន ជន សង្ស័ យ ចំនួន ០១នាក់ ក្រោយធ្វើសកម្មភាពឆក់យកទូរស័ព្ទដៃចំនួន០២គ្រឿង។
លោក វរសេនី យ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌ កម្រិត ស្រាល បានអោយដឹងថា ដោយអនុវត្តតាមយោ បល់ដឹកនាំរបស់លោកឧត្ដមសេនីយ៍ ទោ សាត គឹម សាន ស្នងការ រួមនឹងយោបល់ លោក វរសេនី យ៍ឯក លឹម ពុទ្ធីឡា ស្នងការរងផែនការងារ នគរបាល ព្រហ្មទណ្ឌ និង ដោ យ មានការសម្របសម្រួលលើ នីតិវិធីពី ឯកឧត្តម កែវ សុជាតិ ព្រះរាជវអា ជ្ញា នៃ អយ្យ ការ អមសាលាដំបូងខេត្តបាត់ដំបងផង នោះ កាលពីថ្ងៃទី១៥ ខែធ្នូ ឆ្នាំ២០២១ វេលាម៉ោង១២និង១៥នាទី លោកបាន ដឹក នាំ កម្លាំង ក្រុមអន្តរាគមន៍ បង្ការបង្ក្រាប សហ ការ ជាមួយ កម្លាំង ការិយាល័យ នគរបាល ព្រហ្មទណ្ឌ កម្រិត ធ្ងន់ ដែល ដឹកនាំ ដោយ លោក វរសេនី យ៍ទោ វ៉ាន់ តារ៉ា ជា នាយរងការិយាល័យ បានចុះ ប្រតិបត្តិការ បង្ក្រាបករណី ឆក់យកទូរស័ព្ទដៃមួយករ ណី និង បាន ធ្វេីការ នាំខ្លួន ជន សង្ស័ យ ចំនួន ០១នាក់ មក កាន់ ស្នងការដ្ឋានដេីម្បីធ្វើការសាកសួរ។
លោកបន្តថា ជនសង្ស័យត្រូវបានឃាត់ខ្លួនឈ្មោះ បូ ចាន់ដេត ភេទប្រុស អាយុ ២៦ឆ្នាំ មានទីលំនៅ ភូមិព្រៃទទឹង ឃុំជ្រៃ ស្រុកថ្មគោល ខេត្តបាត់ដំបង រួមជាមួយវត្ថុតាងដកហូត រួម មាន ៖
- ម៉ូតូ០១គ្រឿងម៉ាកហុងដាឌ្រីម ពណ៌ខ្មៅ សេរីឆ្នាំ២០១៣ ពាក់ស្លាកលេខ បាត់ដំបង 1A-2686 ជាមធ្យោបាយធ្វើសកម្មភាព - ទូរស័ព្ទដៃចំនួន០២គ្រឿង (ម៉ាក Vivo Y51 និង OPP Reno4) ។
លោក ឈឿង គឹមសុង បានបញ្ជាក់ថា កាលពី ថ្ងៃទី ១៤ ខែ ធ្នូ ឆ្នាំ ២០ ២១ វេលាម៉ោង ១៥ និង ២៥នាទី នៅ ចំណុច ភូមិ១៣ មករា សង្កាត់ព្រែកព្រះស្តេច ក្រុងបាត់ ដំ បង ជនសង្ស័យ ខាងលេី បាន ធ្វេីសកម្មភាពឆក់ ទូរស័ព្ទចំនួន ០២គ្រឿង (ម៉ាក Vivo Y51 និង OPP Reno4) ពីជនរងគ្រោះឈ្មោះ ឆុន ចិន្តា ភេទស្រី អាយុ២៩ឆ្នាំ មានទីលំនៅចំណុចកើត ហេតុខាងលើ ។
ក្រោយកេីតហេតុជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាល ហេីយឆ្លង តាមរយៈការ ស្រាវជ្រាវនេះសមត្ថកិច្ចកំណត់មុខ សញ្ញានិងឈានដល់ការឃាត់ខ្លួននិងកំពុងកសាងសំ ណុំរឿង បញ្ជូន ជនសង្ស័យទៅ សាលាដំបូង ខេត្ត បាត់ ដំបង ចាត់ការ បន្ត តាម នីតិវិធី រីឯវត្ថុតាងត្រូវបាន ប្រគល់ជូនជនរងគ្រោះវិញផងដែរ ៕
