ខេត្តបាត់ដំបង! កម្លាំងនៃអធិការដ្ឋាននគរបាលក្រុងបាត់ដំបង បានបើកការបង្ក្រាបទីតាំងល្បែងសង្វៀនប្រជល់មាន់មួយកន្លែង និងបានធ្វើការឃាត់ខ្លួនអ្នកពាក់ព័ន្ធចំនួន០៤នាក់រួមជាមួយវត្ថុតាងមួយចំនួនធំ។
លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបងបានអោយដឹងថា ជាមួយកិច្ចប្រតិបត្តិការនេះធ្វើឡើងនៅវេលាម៉ោង ១១និង០០នាទី ថ្ងៃទី ៣០ ខែវិច្ឆិកា ឆ្នាំ២០២១ ស្ថិតនៅចំណុចក្រុមទី០៦ ភូមិកំពង់សីមា សង្កាត់វត្តគរ ក្រុងបាត់ដំបង។
នៅក្នុងកិច្ចប្រតិបត្តិការខាងលើនេះដែរ សមត្ថកិច្ចជំនាញបានធ្វើការឃាត់ខ្លួនអ្នកប្រព្រឹត្តចំនួន០៤នាក់ ក្នុងនោះម្ចាស់ផ្ទះម្នាក់ រួមជាមួយវត្ថុតាងមាន!
.ម៉ូតូចំនួន ៩ គ្រឿង
.ស៊ុមក្រុងមាន់ចំនួន ៦
.សង្វៀនជល់មាន់ចំនួន ១
.មាន់ចំនួន ៤ ក្បាល
ព្រមទាំងសម្ភារៈពាក់ព័ន្ធល្បែងជល់មាន់ផ្សេងៗមួយចំនួនទៀត ។
ក្រោយឃាត់ខ្លួនក្រុមអ្នកប្រព្រឹត្តល្បែងស៊ីសងប្រជល់មាន់ខាងលើរួមជាមួយវត្ថុតាង ត្រូវបានបញ្ជូនទៅផ្នែកជំនាញដេីម្បីអនុវត្តបន្តតាមនីតិវិធី។