(បន្ទាយមានជ័យ)÷ថ្ងៃទី៣០ខែវិច្ឆិការឆ្នាំ២០២១ក្នុងចុះបេសកម្មពិនិត្យមើលស្ថានភាពជាក់ស្តែងមានថ្នាក់ដឹកនាំក្រសួង អភិបាលខេត្ត បានរៀបចំកម្លាំងប្រដាប់អាវុធចម្រុះ មានមន្ត្រីខេត្ត មន្ត្រីជំនាញ កងកម្លាំងទាំង៣ ប្រចាំការជាប់នៅគោលដៅ ដើម្បីទប់ស្កាត់ បង្ក្រាប់បទល្មើស និង ក្រុមមន្ត្រីជំនាញសូរិយោដីខេត្ត មន្ត្រីជលផល និងមន្ត្រីស្រុក ឃុំមូលដ្ឋាន ដើម្បីចុះផ្ទៀងផ្ទាត់កំណត់បង្គោលព្រំ ដើម្បីកសាងឯកសារប័ណ្ណកម្ម ចុះបញ្ជីដីរដ្ឋក្នុងភូមិសាស្ត្រឃុំប្រាសាទឃុំភ្នំលៀបស្រុកព្រះនេត្រព្រះខេត្តបន្ទាយមានជ័យ។
សូមរំលឹកថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចេញបទបញ្ជាយ៉ាងម៉ឺងម៉ាត់មួយ ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និងបង្រ្កាបជាបន្ទាន់ ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប។
ជាមួយគ្នានេះដែរនៅរដូវទឹកស្រកក្រុមការងារចម្រុះមិនអនុញ្ញាតឱ្យជិនខិលខូច ដែលបានឈូសឆាយកាន់កាប់ដីព្រៃលិចទឹកនេះ ធ្វើស្រែនៅលើដីខាងលើនេះជាដាច់ខាត ហើយតម្រូវឲ្យអាជ្ញាធរមូលដ្ឋាននិងមន្ត្រីជំនាញត្រូវធ្វើផ្លាកធំយកទៅបោះនៅលើទីតាំងដែលត្រូវដកហូតដីខាងលើនេះ កុំឱ្យគេបំផ្លាញបន្តទៅទៀត
ក្រុមការងារ នឹងបន្តស្រាវជ្រាវរកអត្តសញ្ញាណជនខិលខូច ដើម្បីកសាងសំណុំរឿង បញ្ជូនទៅតុលាការចាត់វិធានការតាមផ្លូវច្បាប់ហើយ ៕