ខេត្តបន្ទាយមានជ័យ៖ ប្រទះឃើញក្មេងជំទង់ម្នាក់ ចង(ក)ជាប់និងដែក បង្កការភ្នាក់ផ្អើលទាំងព្រឹក ថ្ងៃទី២៣ ខែវិច្ឆិកា ឆ្នាំ២០២១ នៅចំណុចមុខកាស៊ីណូDNA ក្នុងបរិវេនកាស៊ីណូផ្កាយ៥ ក្នុងភូមិក្បាលស្ពាន១ សង្កាត់.ក្រុងប៉ោយប៉ែត។
សពអាយុជាង១០ឆ្នាំ ពាក់អាវពណ៍ប្រផេះ និងស្លៀកខោខ្លីពណ៍ខ្មៅ សម្បុរសណ្តែងបាយ ត្រូវបានគេប្រទះឃើញស្លាប់ ដោយមានក្រណាត់ចង(ក)ភ្ជាប់ជាមួយដែកផ្ទាំងស្លាកយីហោកំពស់ជាង១ម៉ែត្រ ហើយសពនេះ និងយកទៅទុកនៅវត្តបាលិលេយ្យដើម្បីរកសាច់ញាតិ។
លោកវរសេនីយ៍ទោ ព្រហ្ម ពិសិដ្ឋ អធិការរងទទួលការងារផែននគរបាលយុត្តិធម៍បានឲ្យដឹងថា យោងតាមការបំភ្លឺពីក្រុមក្មេងៗរើសអេតចាយថា សពឈ្មោះ សុជាតិ អាយុប្រហែល១៥ឆ្នាំ ជាក្មេងដើរសុំលុយ និងដើររើសអេតចាយ ហិតកាវ។ ក្រោយពីធ្វើការពិនិត្យរបស់គណកម្មការចម្រុះ ឃើញថា សពពុំមានស្នាកស្នាមអ្វី ដែលគួរឲ្យសង្ស័យថា ជាករណីឃាតកម្មឡើយ វាជាករណីធ្វើអត្តឃាត៕
