ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានថ្លែងថា អ្នកដើរកម្សាន្តក្នុងពិធីបុណ្យអុំទូករយៈពេល៣ថ្ងៃ (១៨-២០ វិច្ឆិកា) ឆ្នាំ២០២១ នេះ មានចំនួនច្រើនជាងកាលពីឆ្នាំ ២០២០កន្លងទៅ ។
លោកថា ភ្ញៀវទេសចរដែលចេញដើរកម្សាន្តនៅទូទាំងប្រទេសមានចំនួនសរុប៩១០,១៥០នាក់ ក្នុងនោះភ្ញៀវជាតិមានចំនួន៨៩៩,៨៦៩នាក់ និងភ្ញៀវបរទេសផ្ទៃក្នុង ១០,២៨១នាក់។ លោកបញ្ជាក់ថា តួលេខនេះមានការកើនឡើង ៥៤.៣៤% ធៀបនឹងព្រះរាជពិធីបុណ្យអុំទូកឆ្នាំ២០២០ ។
ស្ថិតិភ្ញៀវទេសចរប្រចាំថ្ងៃ រួមមាន៖
* ថ្ងៃទី១៖ មានភ្ញៀវសរុបចំនួន១៣២,០១៣នាក់
* ថ្ងៃទី២៖ មានភ្ញៀវសរុបចំនួន៣៣២,៨៧៥នាក់ កើនឡើង ១៥២.១៥% ធៀបនឹងថ្ងៃទី១
* ថ្ងៃទី៣៖ មានភ្ញៀវសរុបចំនួន៤៤៥,២៦២នាក់ កើនឡើង ៣៣.៧៦% ធៀបនឹងថ្ងៃទី២ ហើយបើធៀបថ្ងៃទី១ គឺកើនឡើង ២៣៧.២៨%។
គោលដៅទេសចរណ៍សំខាន់ៗរយៈពេល៣ថ្ងៃនេះ រួមមាន៖
* រាជធានីភ្នំពេញ ១៩៩,៨៣៥នាក់
* ខេត្តសៀមរាប ១១៨,១៤៦នាក់
* ខេត្តព្រះសីហនុ ១១១,៣២២នាក់
* ខេត្តកំពត ៨៣,៤៦៦នាក់
* ខេត្តកែប ៧៥,៨៦៥នាក់
* ខេត្តពោធិ៍សាត់ ៥៣,៨០៧នាក់
* ខេត្តបាត់ដំបង ៣៨,៦៦៧នាក់
* ខេត្តកំពង់ស្ពឺ ៣៧,៤៦៥នាក់
* ខេត្តមណ្ឌលគិរី ៣២,៩៥៧នាក់
* ខេត្តកណ្តាល ២៧,២៨០នាក់
* ខេត្តរតនគិរី ២៤,៥៩៦នាក់ ៕
