នាព្រឹកថ្ងៃទី២៨ ខែកញ្ញា ឆ្នាំ២០២១ នៅក្នុងមណ្ឌលអភិវឌ្ឍន៍យោធិនពិការ៣១៧ តេជោភ្នំ ឆ័ត្រ ក្នុងភូមិ តេជោ ភ្នំឆ័ត្រ ឃុំស្វាយចេក ស្រុកស្វាយចេក ខេត្តបន្ទាយមានជ័យ បានទទួលអំណោយ និងការសួរសុខទុក្ខ ពី ឯកឧត្ដម នាយឧត្តមសេនីយ៍ អ៊ី ឈាន រដ្ឋលេខាធិការ ក្រសួង ការពារ ជាតិ នាយករង ខុទ្ទកាល័យ សម្តេច តេជោ ហ៊ុន សែន និងជាតំណាងដ៏ ខ្ពង់ខ្ពស់ សម្តេច ពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី ក្រសួង ការពារ ជាតិ ក្នុងឱកាស បុណ្យភ្ជុំបិណ្ឌ ប្រពៃណី ជាតិ បានអញ្ជើញចុះសួរសុខទុក្ខ យោធិនពិការ មណ្ឌលអភិវឌ្ឍន៍យោធិនពិការ៣១៧ តេជោភ្នំឆ័ត្រ ក្នុងឱកាស បុណ្យភ្ជុំបិណ្ឌ ប្រពៃណី ជាតិ តាមវិធានប្រមុខរាជរដ្ឋាភិបាល និងក្រសួងសុខាភិបាល ក្នុងបរិបទកូវីដ-១៩ ។
ថ្លែងក្នុងឱកាសនោះឯកឧត្តម នាយឧត្តមសេនីយ៍ អ៊ី ឈាន បាននាំយកនូវប្រសាសន៍ផ្តាំផ្ញើ សាកសួរសុខទុក្ខរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ស្ថាបនិក ឯក នៃសន្តិភាព និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាដែលជានិច្ចកាលសម្តេចទាំងទ្វេតែង តែ យកចិត្តទុកដាក់ដល់ជីវភាពរស់នៅរបស់បងប្អូន យោធិនពិការ រួមទាំងក្រុមគ្រួសារនៅគ្រប់ទី កន្លែងដោយបានជួយឧបត្ថម្ភគាំទ្រសំដៅធ្វើ យ៉ាងណាឱ្យបងប្អូនមានជីវភាពកាន់តែប្រសើរឡើងនោះ ជាពិសេស ក្នុងឱកាស បុណ្យទានម្តង ៗ បេីទោះជាមាន ការយាយីពីកូវីដ ១៩ ក៏ដោយ ។
ឯកឧត្តម បានក្រើនរម្លឹកដល់ប្រជាពលរដ្ឋយោធិនពិការទាំងអស់ កុំធ្វេសប្រហែសមើលស្រាលលើជំងឺកូវីដ១៩ឱ្យសោះ ព្រោះជំងឺនេះនៅតែជាជំងឺឆ្លងរាតត្បាត យ៉ាងកាច សាហាវបំផុត ដែលគ្មានថ្នាំព្យាបាលនៅឡើយទេមកទល់ថ្ងៃនេះ។ ឯកឧត្តម ក៏បានអំពាវនាវដល់បងប្អូនប្រជាពលរដ្ឋបន្តប្រើប្រាស់ម៉ាស់ ឧស្សាហ៍ដុសលាងសម្អាតដៃជាមួយសាប៊ូ ទឹកអាល់កុល ឬជែល ហើយកុំទៅទីប្រជុំជន ដែលមានមនុស្សច្រើន បើគ្មានការចាំបាច់អ្វីទេនោះ។
ជាមួយនោះឯកឧត្តម បាននាំយកគ្រឿងឧបភោគ បរិភោគជា អង្ករ មី ត្រីខ ទឹកបរិសុទ្ធ ភេសជ្ជៈ ម៉ាស់ អាល់កុល និងថវិកា ដែលជាអំណោយដ៏ថ្លៃថ្លាសម្តេចពិជ័យសេនា ទៀ បាញ់ និងឯកឧត្តមផ្ទាល់ជូនយោធិនពិការមណ្ឌល៣១៧ផងដែរ ៕
