(បន្ទាយមានជ័យ)៖លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត ត្រូវជាប្រធានគណៈបញ្ជាការឯកភាពក្រុងប៉ោយប៉ែកដឹកនាំកម្លាំងចម្រុះចុះពិនិត្យមើលស្ថានភាពទឹកជំនន់ តាមមាត់អូរព្រំដែន កម្ពុជា ថៃ នៅក្នុងភូមិសាស្ត្រក្រុងប៉ោយប៉ែត នាយប់ថ្ងៃទី២០ខែកញ្ញា ឆ្នាំ២០២១នេះ។
លោក គាត ហ៊ុល អភិបាលក្រុងប៉ោយប៉ែតបានមានប្រសាសន៍ថាអាជ្ញាធរបានសហការជាមួយកងកម្លាំងចម្រុះ និងអាជ្ញាធរមូលដ្ឋាន ត្រៀមជួយសង្រ្គោះ ប្រជាពលរដ្ឋ រស់នៅជិតមាត់អូរតាមព្រំដែន ក្នុងក្រុងប៉ោយប៉ែត ខេត្តបន្ទាយមានជ័យ ។
សូមបញ្ជាក់៖ផងដែរថាដោយសារទឹកភ្លៀងបានបន្តធ្លាក់ជាប់គ្នានៅចាប់ពីថ្ងៃទី១៩ ២០ ខែកញ្ញា ឆ្នាំ២០២១ នេះ បណ្តាលអោយទឹកអូរតាមព្រំដែនកម្ពុជា-ថៃ បានហក់ឡើងគួរអោយបារម្មណ៍ហើយអាជ្ញាធរត្រៀម
អន្តរាគមន៍លក្ខណ:ប្រុងប្រៀបរួចជាស្រាចក្នុងការជួយអន្តរាគមន៍ សង្គ្រោះប្រជាពលរដ្ឋតាមសំណូមពរ របស់អាជ្ញាធរមូលដ្ឋាន។
លោកគាតហ៊ុលអភិបាលក្រុហប៉ោយប៉ែត សូមអំពាវនាវដល់ពុកម៉ែបងប្អូនដែលរស់នៅជិតមាត់អូរតាមខ្សែបន្ទាត់ព្រំដែនកម្ពុជាថៃ សូមមានការប្រុងប្រយ័ត្នខ្ពស់ ចំពោះកូនតូចៗ និងសត្វអសិរពិស ដែលអាចបង្កគ្រោះថ្នាក់ដល់អាយុជីវិត។
