ខេត្តបាត់ដំបង: មន្ត្រីឧទ្យានអនុរក្សតំបន់ប្រើប្រាស់ច្រើនយ៉ាង MJP បានធ្វើការចាប់ឃាត់ខ្លួនមនុស្សចំនួន ០៥នាក់ខណះដែលពួកគេចូលកាប់រានដែនព្រៃក្នុងតំបន់ប្រើប្រាស់ច្រើនយ៉ាងស្រុកសំឡូត។
មន្ត្រីឧទ្យានអនុរក្សតំបន់ប្រើប្រាស់ច្រើនយ៉ាង MJP បានប្រាប់ឲ្យដឹងថា÷ ក្រោយការឆ្មក់ចុះឃាត់ខ្លួនជនសង្ស័យបានចំនួន ០៥នាក់ នៅថ្ងៃទី ០៧ ខែកញ្ញា ឆ្នាំ ២០២១នេះមន្ត្រីជំនាញបានសម្រេចបញ្ជូនសំណុំរឿងខាងលើដើម្បីអនុវត្តតាមនីតិវិធីតុលាកាតាមបទល្មើសជាក់ស្តែង។
ជនសង្ស័យទាំង ៥នាក់ដែលឃាត់ខ្លួនបានមានឈ្មោះ យូវ សារ៉ម , ឈ្មោះ អាន់ ទេន , ឈ្មោះ អាន់ ទឿ ន , ឈ្មោះ ស៊ិន ចាន់ និងឈ្មោះព្រំ ហ៊ ន ទាំងអស់គ្នារស់នៅក្នុងភូមិកណ្តាល ឃុំស៊ុង ស្រុកសំឡូត ខេត្តបាត់ដំបង រួមជាមួយវត្ថុតាងមួយចំនួនទៀតមាន កាំបិតខ្វែវចំនួន ០៥ដើម និងម៉ូតូចំនួន ៣គ្រឿងផងដែរ ដែលជនសង្ស័យខាងលើបានធ្វើសកម្មភាពចូលក្នុងព្រៃដែនអភិរក្សកាប់រានកាលពីថ្ងៃទី ០៥ ខែកញ្ញាកន្លងមកត្រង់ចំណុចផ្លូវក្រវ៉ាត់ព្រំដែនក្នុងភូមិសាស្ត្រក្បែរ ច្រក តំបន់ ៤០០ ក្នុងភូមិឆករកា ឃុំសំឡូត ស្រុកសំឡូត នៃខេត្តបាត់ដំបង។
លោក កត បូរាន ប្រធានមន្ទីរបរិស្ថានខេត្តបាត់ដំបងបានបញ្ជាក់ថា÷ ជនសង្ស័យទាំង ០៥នាក់ គឺជាអ្នកស៊ីឈ្នួលកាប់រានព្រៃឲ្យគេតែប៉ុណ្ណោះ ហើយក៏បានបញ្ជូនទៅតុលាកាផុតដៃហើយ ចំពោះមុខនេះមន្ត្រីជំនាញនឹងបន្តនីតិវិធីស្រាវជ្រាវទៅលើអ្នកនៅពីក្រោយបន្តទៀត៕