Borey Mongkol1 Agriculture

តា​លី​បង់​ព្រមាន​ពីថ្ងៃ​ផុតកំណត់ ជម្លៀស​ប្រជាជន​អា​ហ្វ​ហ្គា​នី​ស្ថាន

ថ្ងៃពុធ 25 សីហា 2021, 8:52

​កងទ័ព​អាមេរិក បាន​ដឹកនាំ​កិច្ចប្រឹងប្រែង​កាន់តែខ្លាំង​ឡើង ដើម្បី​ដឹក​មនុស្ស​រាប់ពាន់នាក់​ចេញ ពី​ទីក្រុង​កា​ប៊ុល បន្ទាប់ពី​ក្រុម​តា​លី​បង់​បាន​ព្រមាន​ថា ពួកគេ​នឹង​អនុញ្ញាតឱ្យ​កងកម្លាំង​បរទេស​ធ្វើការ ជម្លៀសចេញ ក្នុង​រយៈពេល​មួយ​សប្តាហ៍​ទៀត​។ នេះ​បើ​យោងតាម​ការចុះផ្សាយ​រប​ស់​សារព័ត៌មាន​CNA នៅ​ថ្ងៃ ២៤ ខែសីហា ឆ្នាំ​២០២១​។​

 

​ប្រធានាធិបតី​អាមេរិក លោក​ចូ បៃ​ដិ​ន កំពុងស្ថិត​នៅក្រោម​សម្ពាធ​កាន់តែខ្លាំង ដើម្បី​ពន្យារពេល​កំណត់ នៅ​ថ្ងៃទី ៣១ ខែសីហា ដើម្បី​ដក​កងកម្លាំង​អាមេរិក​ចេញ ដោយ​អង់គ្លេស​នឹង​បញ្ចុះបញ្ចូល​អាមេរិក កិច្ចប្រជុំ​កំពូល G7 តាម​អ៊ិន​ធឺ​ណែ​ត ដើម្បីឱ្យ​កងទ័ព​អាមេរិក​មាន​វត្តមាន​យូរ​ជាង​នេះ​។​

 

​ជនបរទេស និង​ជនជាតិ​អា​ហ្វ​ហ្គា​នី​ស្ថាន​ប្រមាណ​ជា​៥​ម៉ឺន​នាក់​បាន​ភៀសខ្លួន​ចេញពី​ប្រទេស ចាប់តាំងពី ក្រុម​តា​លី​បង់​បាន​ឡើងកាន់​អំណាច​កាលពី ១០ ថ្ងៃមុន​។ ប៉ុន្តែ​ហ្វូងមនុស្ស បាន​បន្ត​ប្រមូល​ផ្តុំគ្នា​នៅ​ខាង ក្រៅ​អាកាសយានដ្ឋាន ដោយ​ជនជាតិ​អា​ហ្វ​ហ្គា​នី​ស្ថាន​ភ័យខ្លាច ការគ្រប់គ្រង​របស់​តា​លី​បង់​។​

 

​មនុស្ស​ជាច្រើន​ភ័យខ្លាច ការអនុវត្តន៍​ច្បាប់​សារី​យ៉ា​ដ៏​ឃោរឃៅ ដែល​ក្រុម​តា​លី​បង់​បាន​អនុវត្ត​នៅពេល កាន់អំណាច​ដំ​បូ ង​ពី​ឆ្នាំ ១៩៩៦-២០០១ ឬ​ការ​សងសឹក​ចំពោះ​ការធ្វើការ​ជាមួយ​រដ្ឋាភិបាល​ដែល​គាំទ្រ ដោយ​សហរដ្ឋអាមេរិក ក្នុង​រយៈពេល​ពីរ​ទស​វត្សរ៍​កន្លងមកនេះ​។​

តា​លី​បង់​ព្រមាន​ពីថ្ងៃ​ផុតកំណត់ ជម្លៀស​ប្រជាជន​អា​ហ្វ​ហ្គា​នី​ស្ថាន

​តា​លី​បង់​បានទទួល​ជ័យជម្នះ​ដ៏​គួរឱ្យភ្ញាក់ផ្អើល ដោយសារតែ​ការសម្រេចចិត្ត​របស់លោក បៃ​ដិ​ន ក្នុងការ ព​ន្លឿ​ន​កិច្ចព្រមព្រៀង​មួយ ដែល​ត្រូវបាន​បង្កើតឡើង​ដោយ​លោក​ដូ​ណា​ល់​ត្រាំ ដើម្បី​ដក​កងទ័ព​អាមេរិក ស្ទើរតែ​ទាំងអស់​ចេញពី​អា​ហ្វ​ហ្គា​នី​ស្ថាន​៕​

តា​លី​បង់​ព្រមាន​ពីថ្ងៃ​ផុតកំណត់ ជម្លៀស​ប្រជាជន​អា​ហ្វ​ហ្គា​នី​ស្ថាន
តា​លី​បង់​ព្រមាន​ពីថ្ងៃ​ផុតកំណត់ ជម្លៀស​ប្រជាជន​អា​ហ្វ​ហ្គា​នី​ស្ថាន
តា​លី​បង់​ព្រមាន​ពីថ្ងៃ​ផុតកំណត់ ជម្លៀស​ប្រជាជន​អា​ហ្វ​ហ្គា​នី​ស្ថាន

PLB Banner on article detail