(ខេត្តប៉ៃលិន)៖ ដោយសារតែជួបបញ្ហាវិបត្តិជំងឺកូវីដ ១៩ កំពុងមានការផ្ទុះឡើង ធ្វើឱ្យឆ្លងរាលដាលនៅតាមបណ្តាខេត្តនានាជាច្រើន នៅទូទាំងប្រទេសកម្ពុជា ជាពិសេសខេត្តជាប់នឹងព្រំដែនកម្ពុជាថៃ ដូចជាខេត្តប៉ៃលិនជាដើម ជាហេតុធ្វើឱ្យតម្លៃទីផ្សារផ្លែមៀនប៉ៃលិនហៅតាងែន មានការធ្លាក់ចុះខ្លាំង លំបាករកឈ្មួញចូលទិញ ខណ:ទីផ្សារនៅក្រៅប្រទេសមិនទទួលបញ្ជាទិញ ទើបសម្តេចតេជោ ហ៊ុន សែន នាយករដ្ឋមន្ត្រី បានយកចិត្តទុកដាក់ ធ្វើការដោះស្រាយជូនពួកគាត់ ដែលលំបាកក្នុងការរកទីផ្សារ ទាន់ពេលវេលា ។
ជាក់ស្តែងកាលពីព្រឹកថ្ងៃទី១៩ ខែសីហា ឆ្នាំ២០២១ដោយឃើញកសិករមួយគ្រួសារត្រូវប្រមូលផលមៀនប៉ៃលិនមិនអាចទុកយូរបានបណ្តាលឲ្យប្រេះបែកផ្លែ ហើយពួកគាត់គ្មានអ្នកជួយបេះទើប ក្រុមការងាររដ្ឋបាលខេត្តប៉ៃលិន ដឹកនាំដោយឯកឧត្តម ហុក សុផល អភិបាលរងខេត្ត និងលោក គោស៊ុម ប៊ុតសឺត បានដឹកនាំក្រុមយុវជនស.ស.យ.កខេត្ត និងមន្ត្រីរាជការមួយចំនួមកពីសាលាស្រុកសាលាក្រៅ ចុះបេះផ្លែមៀនប៉ៃលិន ជួនប្រជាពលរដ្ឋរស់នៅភូមិបឹងព្រលិត ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
បើតាមការរៀបរាប់ពីកសិករម្នាក់ ឈ្មោះ ហៀង ណេង ភេទប្រុស អាយុ៦០ឆ្នាំ រស់នៅភូមិបឹងព្រលិត ឃុំស្ទឹងកាច់ ស្រុកសាលាក្រៅ ខេត្តប៉ៃលិន បានឱ្យដឹងថា គាត់មានដីចំការជិត១ហិកតា ដោយដាំដំណាំតាង៉ែន ចំនួន៣០០ដើម ដោយបានប្រមូលផលជារៀងរាល់ឆ្នាំ ។
លោកបន្តទៀតថា កាលពីឆ្នាំ២០២០ គាត់អាចបេះលក់ក្នុង១ឡីឡូក្រាម៣០បាត(ប្រាក់ថៃ) ប៉ុន្តែនៅឆ្នាំ២០២១ តម្លៃទីផ្សារផ្លែមៀនប៉ៃលិន មានការធ្លាក់ចុះយ៉ាងខ្លាំង ដោយសារតែបញ្ហាជំងឺកូវីដ១៩កំពុងឆ្លងរីករាលដាលនៅ ក្នុងសហគមន៍ ។
ទើបគ្មានអ្នកចូលមកទិញនៅតាមចំការបស់គាត់ តែសំណាងល្អ បានក្រុមការងារសម្តេចតេជោ ចុះមកទិញកសិផលផ្លែមៀនប៉ៃលិន ចុះមកទិញដល់ចំការផ្ទាល់ ធ្វើឱ្យពួកគាត់សប្បាយរីករាយយ៉ាងខ្លាំង ក៏សូមជូនពរសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ កម្ពុជា និងសម្តេចកិត្តិព្រឹទ្ធបណ្ឌិត ព្រមទាំងអរគុណដល់លោកជំទាវ បាន ស្រីមុំ អភិបាលខេត្តប៉ៃលិន ឱ្យទទួលបាននូវសុខភាពល្អ កម្លាំងមាំមួន ប្រាជ្ញាឈ្លាសវៃ ក្នុងការដឹកនាំប្រទេសជាតិឱ្យមានការ រីកចម្រើន និងទទួលមានជោគជ័យគ្រប់ភារកិច្ច ។
សូមបញ្ជាក់ថា ៖ ការជួយប្រមូលផលដំណាំផ្លែមៀនប៉ៃលិនហៅ(តាងែន) ពេលនេះ បានចំនួនជាង ពីរពាន់គីឡូក្រាម(២០០០Kg) ដើម្បីយកទៅលក់ជូនក្រុមការងារដែលដឹកនាំដោយ ឯកឧត្តមនាយឧត្តមសេនីយ៍ គតិបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ចុះប្រមូលទិញផ្លែមៀនប៉ៃលិនហៅ(តាង៉ែន)ពីកសិករដើម្បីសម្រួលការកកស្ទះនិងខូចខាត។
ជាមួយការទិញថ្ងៃដំបូងនេះដែរក្រុមការងារទទួលទិញផ្លែមៀនប៉ៃលិនហៅ(តាង៉ែន)នេះ ចម្រុះខ្នាតជាច្រើនតោនពីកសិករផ្ទាល់ ក្នុងតម្លៃ ២៥០០រៀលក្នុង ១គីឡូក្រាម ខណ:តម្លៃផ្លែក្នុងទីផ្សារបច្ចុប្បន្នត្រឹមតែ១៥០០រៀល ដល់ ១៨០០រៀលក្នុង ១គីឡូក្រាម ៕
