នៅវេលាម៉ោង ១០:០០ នាទីយប់ ថ្ងៃសៅរ៍ ទី២៤ ខែកក្កដា ឆ្នាំ២០២១ មានករណីអគ្គីភ័យមួយកន្លែងបានកើតឡើងនៅក្នុងឃ្លាំងជួលស្តុកទំនិញផែស្ងួត សូ ងួន ស្ថិតតាមបណ្តោយផ្លូវលេខ២៧១ ក្រុមទី១ ភូមិសន្សំកុសល៥ សង្កាត់បឹងទំពុងទី១ ខណ្ឌមានជ័យ រាជធានីភ្នំពេញ ។
ម្ចាស់ទីតាំងឈ្មោះ: លោកឧកញ៉ា សូ ងួន ភេទ ប្រុស អាយុ ៥៦ ឆ្នាំ ជាម្ចាស់ឃ្លាំង ។
ប្រភេទសំណង់ៈ ឃ្លាំងសង់ពីថ្មបេតុងប្រក់សង្ក័សី ទំហំ ៣០ម៉ែត្រ x ៨០ម៉ែត្រ ដោយបាន ខូចខាតសំភារះ: ឆេះឃ្លាំងស្តុកទុកទំនិញគ្រប់មុខ ទំហំ ៣០ម៉ែត្រ x ៨០ម៉ែត្រ ចំនួន ០១ ឃ្លាំង រួមទាំងឆេះទំនិញស្តុកទុកក្នុងឃ្លាំងអស់ទាំងស្រុង នឹងពុំបណ្ដាលអោយឆេះរាលដាលដល់ផ្ទះអ្នកជិតខាងឡើយ ។
សមត្ថកិច្ចបញ្ជាក់ថាមូលហេតុ នៃការឆាបឆេះកំពុងបន្តការស្រាវជ្រាវ ។ ក្នុងករណីអគ្គិភ័យនេះដែរពុំមានមនុស្សស្លាប់ឬ រងរបួសនោះទេ ។ ក្នុងហេតុការណ៍ខាងលើនេះបានប្រើរថយន្តពន្លត់អគ្គិភ័យសរុបចំនួន៣៣គ្រឿង ប្រើប្រាសទឹកអស់ ១៥៨រថយន្ត ។
ពន្លត់ចប់ : នៅម៉ោង ០២:០០ នាទី រំលងអាធ្រាត្រ.នាថ្ងៃ២៥ ខែកក្កដា ឆ្នាំ២០២១ ៕ រូបភាព៖ នាយកដ្ឋាននគរបាលបង្ការ ពន្លត់អគ្គិភ័យ