ខេត្តបាត់ដំបង !កម្លាំងការិយាល័យព្រហ្មទណ្ឌ នៃបញ្ជាការដ្ឋានកងរាជអាវុធហត្ថខេត្តបាត់ដំបងបានឃាត់ខ្លួនជនសង្ស័យ០១នាក់ ពាក់ព័ន្ធករណីញុះញង់ឲ្យប្រព្រឹត្តបទឧក្រិដ្ឋជាអាទិ៍ ។
កិច្ចប្រតិបត្តិការឃាត់ខ្លួនជនសង្ស័យពាក់ព័ន្ធករណីខាងលើនេះធ្វើឡើងនៅវេលាម៉ោង ១២និង០០នាទី ថ្ងៃទី១៤ ខែកក្កដា ឆ្នាំ២០២១ ស្ថិតនៅភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។
ជនសង្ស័យត្រូវបានឃាត់ខ្លួនឈ្មោះ កៅ ពិសិដ្ឋ ភេទប្រុស អាយុ៣២ ឆ្នាំ មុខរបរ អ្នកសាព័ត៌មាន ទីលំនៅបច្ចុប្បន្នក្នុងភូមិ១៣មករា សង្កាត់ព្រែកព្រះស្តេច ក្រុង និងខេត្តបាត់ដំបង ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ ដែលប្រព្រឹត្តនៅថ្ងៃទី១២ ខែកក្កដា ឆ្នាំ២០២១ បង្ហោះតាមប្រព័ន្ធបណ្តាញសង្គម (ហ្វេសហ៊ុក) ។
ក្រោយពីឃាត់ខ្លួនសមត្ថកិច្ចជំនាញដកហូតវត្ថុតាងរួមមាន!
-ទូរស័ព្ទចំនួន ០៣ គ្រឿង
-ឡានចំនួន ០១ គ្រឿង ម៉ាកកាំម៉ារី៨៩ ពណ៌ស
-បណ្ណព័ត៌មានចំនួន ០១ សន្លឹក។
បច្ចុប្បន្នជនសង្ស័យនិងវត្ថុតាងរហូតមកដល់ពេលនេះ ត្រូវបានឃាត់នៅការិយាល័យជំនាញនៃបញ្ជាការដ្ឋានកងរាជអាវុធហត្ថខេត្ត ដើម្បីកសាងសំណុំរឿងចាត់ការតាមនីតិវិធី ។