សៀមរាប÷ក្រោយពីទទួលសេចក្តីរាយការណ៌ពីមន្ត្រីថ្នាក់ក្រោមនឹងមានការយកចិត្តទុកដាក់ លោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្តសៀមរាបបានដាក់បញ្ជាអោយ លោកឧត្តមសេនីយ៍ ភឹង ចិន្តារ៉េត ស្នងការរងទទួលផែនព្រហ្មទណ្ឌ និងលោកវរសេនីយ៍ឯក ណុប សារ៉ាក់ ស្នងការរងបានបើកការសើបអង្កេតដោយមានការដឹកនាំកំលាំងបញ្ជាផ្ទាល់ លោកវរសេនីយ៍ទោ សុខ ម៉េងអ៊ាង នាយការិយាល័យនគរបាល ព្រហ្មទណ្ឌកម្រិតធ្ងន់នឹងមានការចូលរួមសហការលោកវិរសេនីយ៍ទោ ដា ចំរើន អធិការនគបាលក្រុងបានដាក់បទបញ្ជាអោយមន្ត្រីមូលដ្ធានធ្វើការស្រាវជ្រាវនឹងសើបអង្កេតជុំវិញពាក្យប្តឹងចោលគាស់ផ្ទះរបស់ស្ត្រីម្នាក់ ឈ្មោះ បឿ ឈុននី ភេទស្រី អាយុ ៣៦ឆ្នាំ មុខរបរ នៅផ្ទះស្ថិតភូមិខ្នារសង្កាត់ជ្រាវក្រុង-ខេត្តសៀមរាប។
នៅថ្ងៃទី ១៣ខែមិថុនាឆ្នាំ២០២១ ជនរងគ្រោះ បានចាក់សោទ្វាផ្ទះទុកចោល ហើយទៅមើលម្តាយឈឺ នៅខេត្តត្បូងឃ្មុំ លុះរហូតដល់ថ្ងៃ ទី ២៣ខែមិថុនាឆ្នាំ២០២១ ជនរងគ្រោះ បានត្រឡប់មកផ្ទះ វិញ ក៏ឃើញផ្ទះមានស្នាមគាស់ និងរ៉ើកកាយ ក្នុងបន្ទប់ដេករបស់គាត់ ដោយបាត់បង់ ប្រាក់ដុល្លារ ចំនួន 12400 ដុល្លារ ខ្សែកមាស ០១ខ្សែ ទម្ងន់ 01តម្លឹង (ទ្រព្យសម្បត្តិទាំអស់របស់ ជនរងគ្រោះក្នុងស្រោមខ្នើយក្នុងបន្ទប់ដេក ) បន្ទាប់មកក៏ប្តឹងរាយការណ៍ជូនសម្ថកិច្ចតែម្តង ។
ក្រោយពេលទទួលពាក្យបណ្តឹងហើយ កម្លាំងសមត្ថកិច្ចបានរាយការជួនលោកងស្នងការដើម្បីបើកសើបអង្កេតមិនបានប៉ុន្មានម៉ោងកំលាំងជំនាញបានដាក់ការសង្ស័យទៅលើឈ្មោះយ៉ែម សំណាង (ត្រូវជាប្តីចុងរបស់ជនរងគ្រោះ)ត្រូវបានធ្វើការឃាត់ខ្លួននៅវេលាម៉ោង១៥នឹង០០នាទីថ្ងៃទី២៣ខែមិថុនាឆ្នាំ២០២១យកមកសាកសួរ។
ជនសង្ស័យ បានឆ្លើយសារភាពថា : គាត់ពិតជា បានធ្វើសកម្មភាពគាស់ផ្ទះប្រពន្ធចុង ពិតប្រាកដមែន ។តាមចំម្លើយសាភាពជនសង្ស័យនៅវេលាម៉ោង ១០ និង ០០នាទីព្រឹក ថ្ងៃទី ១៩ខែមិថុនាឆ្នាំ២០២១ ដោយឃើញជនរងគ្រោះ មិននៅផ្ទះ ( ប្រពន្ធចុងរបស់គាត់ ) ជនសង្ស័យក៏បានចូលធ្វើសកម្ម ភាពដោយយកដង្កាប់ កាត់ស័ង្កសីបង្អួច ហើយលូក ដៃបើកគន្លឹះទ្វារចូបន្ទប់ជនរងគ្រោះ ហើយធ្វើសកម្មភាព លួចយកប្រាក់ដុល្លាចំនួន 11200$ និង ខ្សែកមាស ១ខ្សែមិនដឹងទម្ងន់ ដើម្បីយកប្រាក់ទៅទិញរថយន្តក្រោយពេលធ្វើសកម្មភាពហើយជនស្ស័យបានយកប្រាក់នឹងខ្សែកផ្ញើទៅអោយប្រពន្ធដើមនៅខេត្តត្បូងឃ្មុំ។
កំលាំងជំនាញកំពុងកសាងសំណុំរឿងបញ្ជូនជនសង្ស័យទៅកាន់តុលាការសាលាដំបូងខេត្តសៀមរាបចាប់ការទៅតាមនីតិវិធីច្បាប់។ដោយ តាំង ហូ