ខេត្តសៀមរាប៖បុរសបុគ្គលិក អចលនទ្រព្យ ម្នាក់បើកឡានព្រូស ស្ទើរភ្លើង ជិះគ្នា៣នាក់ គេចពីម៉ូតូរ៉ឺម៉ក មិនជាន់ហ្វាំង បែរជាជាន់ហ្គារ ថែម បណ្តាលឱ្យចូលទាំងទាំងកំរោល សំណាងល្អ គ្មានមនុស្ស ចំណែកអ្នកបើកឡាននិងអ្នករួមដំណើរ ទាំង មិនមានរបួសស្នាមអ្វីទាំងអស់។
ហេតុការណ៍បង្កការភ្ញាក់ផ្អើលទាំងថ្ងៃនោះបានកើតឡើងនៅវេលាម៉ោង១០និង១០នាទីព្រឹក ថ្ងៃទី២៣ខែមិថុនាឆ្នាំ២០២១ ស្ថិតនៅលើដងផ្លូវចាក់ប៊ីតុង ក្រោយផ្សារលើធំថ្មី(ហៅផ្លូវតាអុច) ក្នុងភូមិតាវៀន សង្កាត់សាលាកំរើក ក្រុង/ខេត្តសៀមរាប។
បើតាមប្រភពពីសាក្សីនៅជិតខាងកន្លែងកើតហេតុបានប្រាប់ភ្នាក់ងារBTBNews មុនពេលកើតហេតុ ឃើញមានរថយន្តព្រូស ពណ៌សមួយគ្រោះងបើកបរមកពីទិសខាងត្បូងបតមកទិសខាងកើត ខណៈពេលនោះបានគេចពី ម៉ូតូ រ៉ម៉ក ប្រហែលមិនជាន់ហ្វ្រាំង បែរជាជាន់ហ្គារ ចូលក្នុងផ្ទះវេរលុយ យីហោ អ៊ី ម៉ាននី បុក ខ្ទេចទ្វា កញ្ចក់ និង ទូរទស្សន៍ អស់ចំនួន៣គ្រឿង។
មន្ត្រីនគរបាលចរាចរណ៍ផ្លូវគោកនៃស្នងការនគរបាលខេត្តសៀមរាបបានប្រាប់នៅកន្លែងកើតហេតុ ជនបង្ក ឈ្មោះ ប៊ិន ដូរិទ្ធ ភេទប្រុស អាយុ៣៦ឆ្នាំមុខរបរ បុគ្គលិកអចលនទ្រព្យ ក្នុងក្រុងសៀមរាប មានស្រុកកំណើតនៅភូមិកំពង់ចន្លុះ ឃុំពាង ស្រុកត្បូងឃ្មុំ ខេត្តកំពង់ចាម បើកបររថយន្ត ម៉ាកព្រូស ពណ៌ស ពាក់ស្លាកលេខភ្នំពេញ ២.BC.១៩៨២ ស៊េរី ឆ្នាំ២០១០ មកពីទិសខាងត្បូង បត មកកើត បំរ៉ុងទៅផ្ទះ ខណៈពេលនោះ មកដល់ចំណុចកើតហេតុ ស្រាប់តែបើកចូលផ្ទះវេរលុយ យីហោ អ៊ី ម៉ានី វីរៈ តែម្តង។ប្រភពបានបញ្ជាក់ថា ម្ចាស់តូបជួលមានឈ្មោះ ឈើត វីរៈ ភេទប្រុស អាយុ៣៥ឆ្នាំមុខរបរ វេរលុយ យីហោ អ៊ី ម៉ាន់នី វីរៈ រស់នៅភូមិចុងកៅស៊ូ សង្កាត់ចុងកៅស៊ូ សង្កាត់ស្លក្រាម ក្រុងសៀមរាប។
បច្ចុប្បន្ន ជនបង្ក និង ជនរងគ្រោះ បានត្រូវរ៉ូវគ្នា ចំនួន១០៥០ដុល្លារ មានចំនួន២ តូប ៖ តូបទី១/ម្ចាស់វេរលុយ ឈ្មោះ ប៊ិន ដូរិទ្ធ ភេទប្រុស អាយុ៣៦ឆ្នាំមុខរបរ បុគ្គលិកអចលនទ្រព្យ ក្នុងក្រុងសៀមរាបទាសំណង ចំនួន១០០០ដុល្លារ និង តូប ទី២/ម្ចាស់តូប ជាងជួសជុលទូរទស្សន៍ ត្រូវរថយន្តព្រូសបុកចូល ប៉ះពាល់ខូចខាតអស់ទូរទស្សន៍អស់ចំនួន៣គ្រឿង សំំណង ចំនួន ៥០ ដុល្លារ ដើម្បីបញ្ចប់រឿង។ក្រោយបញ្ចប់រឿង កម្លាំងជំនាញនគរបាលចរាចរណ៍ផ្លូវគោកនៃស្នងការនគរបាលខេត្តសៀមរាប បានប្រគល់ឱ្យរថយន្តព្រូសយករថយន្តទៅផ្ទះវិញ៕ដោយ តាំង ហូ
