ខេត្តបាត់ដំបង! កម្លាំងផ្នែកគ្រឿងញៀន សហការជាមួយកម្លាំងនគរបាលប៉ុស្តិ៍តាប៉ុននៃអធិការដ្ឋាននគរបាលស្រុកសង្កែ បានចុះកិច្ចប្រតិបត្តិការបង្ក្រាបបាន ករណីរក្សាទុក ដោយខុសច្បាប់នូវសារធាតុញៀន០១ករណីក្នុងបទល្មើសជាក់ស្តែង។លោកអនុសេនីយ៍ឯក សំ ប៊ុនហេង ប្រធានផ្នែកប្រឆាំងគ្រឿងញៀននៃអធិការដ្ឋាននគរបាលស្រុកសង្កែ បានអោយដឹងថា កិច្ចប្រតិបត្តិការខាងលើនេះធ្វើឡើងកាលពីវេលាម៉ោង ១១និង១០នាទី ថ្ងៃទី១៤ ខែមិថុនា ឆ្នាំ២០២១ នៅចំណុចក្រុមទី១២ ស្ថិតក្នុងភូមិតាប៉ុន ឃុំតាប៉ុន ស្រុកសង្កែ ខេត្តបាត់ដំបង។
ជាមួយកិច្ចប្រតិបត្តិការបង្ក្រាបខាងលើនេះដែរ ក្នុងបទល្មើសជាក់ស្តែងសមត្ថកិច្ចជំនាញបានធ្វើការឃាត់ខ្លួនជនសង្ស័យ ចំនួន០៣នាក់រួមមាន!
១,ឈ្មោះ នី វ៉ាន់ដា ភេទប្រុស អាយុ ៣៨ឆ្នាំ មានទីលំនៅ ភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង (ជាមុខសញ្ញាចាស់ធ្លាប់ជាប់ពន្ធនាគារ)
២,ឈ្មោះ អង ប៊ុនថន ភេទប្រុស អាយុ ៣៥ឆ្នាំ មានទីលំនៅភូមិតាប៉ុន ឃុំតាប៉ុន ស្រុកសង្កែ ខេត្តបាត់ដំបង
៣,ឈ្មោះ ម៉ាប់ មឿន ភេទប្រុស អាយុ ៣៧ឆ្នាំ រស់នៅភូមិតាប៉ុន ឃុំតាប៉ុន សង្កែ ខេតបាត់ដំបង។
វត្ថុតាងចាប់យកបានរួមមាន:
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន ០១ថង់មានទម្ងន់(០,២៥ក្រាមទាំងសំបក)សង្ស័យមានសារធាតុញៀន
-សម្ភារកែច្នែសម្រាប់ប្រេីប្រាស់ថ្នាំញៀនមួយចំនួន,សំបកថង់ថ្នាំញៀនប្រើប្រាស់រួចចំនួន០៣ថង់
-ទូរសព្ទ័ដៃ ០១គ្រឿង
-ម៉ូតូកែច្នៃ០១គ្រឿង។
ជនសង្ស័យរួមនិងវត្ថុតាង រហូតមកដល់ពេលនេះត្រូវបានសមត្ថកិច្ចជំនាញកំពុងកសាងសំណុំរឿងដើម្បីចាត់ការបន្តតាមនីតិវិធីច្បាប់។