ខេត្តបាត់ដំបង! កម្លាំងផ្នែកគ្រឿងញៀន សហការជាមួយផ្នែកព្រហ្មទណ្ឌនៃអធិការដ្ឋាននគរបាលស្រុកសង្កែ បានចុះកិច្ចប្រតិបត្តិការបង្ក្រាបបានករណីរក្សាទុក ដោយខុសច្បាប់នូវសារធាតុញៀន ០១ករណីក្នុងបទល្មើសជាក់ស្តែង។
លោកវរសេនីយ៍ឯក ស៊ុន សុវណ្ណអធិការនគរបាលស្រុកសង្កែ បានអោយដឹងថា កិច្ចប្រតិបត្តិការខាងលើនេះធ្វើឡើងនៅវេលាម៉ោង ១៤និង១០នាទី ថ្ងៃទី១០ ខែមិថុនា ឆ្នាំ២០២១ នៅចំណុចក្រុមទី២១ ភូមិកំពង់ព្រះ ឃុំកំពង់ព្រះ ស្រុកសង្កែ ខេត្តបាត់ដំបង។
ជាមួយគ្នានេះដែរ សមត្ថកិច្ចជំនាញបានធ្វើការឃាត់ខ្លួនជនសង្ស័យ ប្រុសស្រីចំនួន០២នាក់
១,ឈ្មោះ ឈាន ស្រស់ ភេទប្រុស អាយុ ២៦ឆ្នាំ (មុខរបរបើកឡានទឹកធ្វើផ្លូវជាតិលេខ5 ចំនុចភូមិកំពង់ព្រះ)មានទីលំនៅភូមិសំរោង ឃុំស្នឹង ស្រុកបាណន់ ខេត្តបាត់ដំបង
២,ឈ្មោះ នី ស្រីនិច ភេទស្រី អាយុ ២៣ឆ្នាំ មានទីលំនៅភូមិក្រពេីកេីត ឃុំភ្នំសំពៅ ស្រុកបាណន់ ខេត្តបាត់ដំបង។
វត្ថុតាងចាប់យកបានរួមមាន:-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន ២០ថង់មានទម្ងន់(៤,៣៨ក្រាមទាំងសំបក)សង្ស័យមានសារធាតុញៀន
-សម្ភារះកែច្នែសម្រាប់ប្រេីប្រាស់ថ្នាំញៀនមួយចំនួន,ថង់សម្រាប់ច្រករំលែកថ្នាំញៀនលក់មួយចំនួន
-ទូរស័ព្ទដៃចំនួន ០២ គ្រឿង, នាឡិការដៃចំនួន០១គ្រឿង
-កាបូបលុយចំនួន០១, មានប្រាក់ខ្មែរចំនួន ៣៥០០០រៀល(បីម៉ឺនប្រាំពាន់រៀល)។
បច្ចុប្បន្នជនសង្ស័យរួមជាមួយវត្ថុតាង ត្រូវបានសមត្ថកិច្ចនគរបាលស្រុកសង្កែកំពុងកសាងសំណុំរឿងដើម្បីចាត់ការតាមនីតិវិធី។