ខេត្ដសៀមរាប៖ មេក្លោងរៀបដីខ្យល់លក់ និងឆបោកត្រូវបានបញ្ជូនខ្លួនចូលកាន់ ពន្ឋនាគារខេត្តសៀមរាបរួចហើយ កាលពីថ្ងៃសុក្រ ទី៤ ខែមិថុនា ក្រោយពីសាកសួចម្លើយ ពីចៅក្រមស៊ើបអង្កេតរួចមក។
លោក ផូ ស៊ីផានេះ គេគ្រប់គ្នាទទួលស្គាល់ថាមនុស្សហ៊ានទាំងបំពានច្បាប់ ជាជើងខ្លាំងពូកែរៀបដីខ្យល់ម្នាក់តែងតែយកឈ្មោះ លោកធំមកអួតអាង កាងនូវអំពើទុច្ចរិតរបស់ខ្លួន ជាយូរឆ្នាំមកហើយ។ជនល្មើសម្នាក់នេះក៏ឃើញដើរញឹកញាប់ជាមួយមេឈ្មួញរៀបដីល្បីឈ្មោះលី អ៊ុអេង ផងដែរ។ក្រៅពីអំពើរកស៊ីទុច្ចរិតរៀបដីខ្យល់លក់ ឈ្មោះ ផូ ស៊ីផា ក៏ពូកែខាងរំលោភយកដីស្របច្បាប់របស់អ្នកទីទៃ និងលក់ដីជាន់កម្មសិទ្ឋគ្នា ពីមួយទៅមួយ និងពូកែប្រើល្បិចលួងលោមមិត្តភក្រអោយជឿទុកចិត្ត អោយមកបណ្តាក់ទុនជាមួយ ចុងក្រោយវ័នករទាំងអស់គ្នា ព្រោះតែចាញ់ល្បិចកលលោក ផូ ស៊ីផា រូបនោះ។ បច្ចុប្បន្ននេះ លោក ផូ ស៊ីផានេះ ជាប់បំណុលប្រាក់ពីមិត្តភក្រជាច្រើននាក់ទៀត ដែលកំពុងរៀបប្តឹង ផូ ស៊ីផា ដោយផូ ស៊ីផា សន្យាសងវិញមួយគុណជាពីរ ។
បើតាមប្រភពព័ត៌មាន បានអោយដឹងថា ទំរាប់ចាប់ជននេះបាន ឃើញមានអន្តរាគមន៏ខ្លាំងណាស់ពី ឯកឧត្តម និងឧកញ៉ាមួយចំនួនចង់អោយសម្របសម្រួលនៅក្រៅឃុំ ដោយសារប្រតិកម្មរបស់ដើមបណ្តឹងមានច្រើនគ្នាពេកមិនមែនមានតែម្នាក់ទេ ការអន្តរាគមន៏ក៏ស្ងាត់ទៅវិញ។ខាងដើមបណ្តឹងជាច្រើន បានស្នើសុំស្ថាប័នតុលាការផ្តល់ការ កាត់ក្តីអោយបានយុត្តិធ៌ម និងត្រឹមត្រូវតាមច្បាប់បំផុត ដើម្បីជាគំរូល្អដល់ប្រពន្ឋ័ច្បាប់ស្រុកខ្មែរដែលមានឯកឧត្តម កើត រិទ្ឋិ រដ្ឋមន្ត្រីក្រសួងយុត្តិធម៌បានខិតខំប្រឹងប្រែងកែលម្អស្ថាប័នមួយនេះអោយ មានយុត្តិធម៌ និងតម្លាភាពនៅ ក្នុងសង្គម។
គួរំលឹកថា លោក ផូ ស៊ីផា អាយុ ៤៦ឆ្នាំ ត្រូវបានកងកំលាំង សមត្ថកិច្ចធ្វើការចាប់ខ្លួនទៅតាមដឺការបង្គាប់ អោយនាំខ្លួនលេខ ១៧៣/២១ ចុះថ្ងៃទី២ ខែមិថុនា ឆ្នាំ២០២១ របស់ព្រះរាជ អាជ្ញា នៃសាលាដំបូងខេត្តសៀមរាប បានបង្គាប់អោយនាំលោក ខ្លួន ផូ ស៊ីផា មុខរបរគួកជេរដី ខណៈដែលជននេះគេចវេស មិនព្រមចូលខ្លួន ទៅតាមការកោះហៅរបស់ព្រះរាជអាជ្ញាជាច្រើនដង។
យោងតាមបណ្តឹងរបស់លោកស្រី ផាត់ សុជឿន កាលពីថ្ងៃទី២៦ ខែមីនា ឆ្នាំ២០២១ បានប្តឹង ឈ្មោះ ផូ ស៊ីផា ពីបទ “ប្រើអំពើហឹង្សាលើអ្នកកាន់កាប់អចនវត្ថុដោយ សុចរិត” និងបទ “ប្រឆាំងនិងអ្នករាជការ“ ប្រព្រឹត្តទៅនៅភូមិសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប។ចំណែកសុំណុំរឿងមួយទៀត កាលពីថ្ងៃទី០៨ ខែមេសា ឆ្នាំ២០២១ លោក ផូ ស៊ីផា ត្រូវបានកំលាំងចំរុះ ដឹកនាំដោយអាជ្ញា សាលាដំបូងខេត្តសៀមរាប និងកងកំលាំងប៉ូលីស ក្រុង បានចុះអនុវត្ត ដឺកាសម្រេចលេខ ១៩៩ ចុះថ្ងៃទី០៤ ខែមីនា ឆ្នាំ២០២១ ដោយឃាត់ទុករថយន្ថមួយគ្រឿងម៉ាក្ស Toyota Lexus RX330 ពណ៌មាស ស្លាកលេខ សៀមរាប2B-6806 ជាកម្មសិទ្ឋិ របស់កូនបំណុលឈ្មោះ ផូ ស៊ីផា ទៅតាមដើមបណ្តឹងលោក ទូស សាភឿន (អគ្គនាយកគម្រោងបុរីអង្គរលែនម៉ាក្ស) ពីបទ “រំលោភលើ ទំនុកចិត្ត និងបង្វែរវត្ថុដាក់ធានា” តាមសាលក្រមព្រហ្មទណ្ឌលេខ ៣៥ញ/២៩១សម្រេចអោយ ផូ ស៊ីផា ផ្តន្ទាទោសព្រហ្មទណ្ឌ ដាក់ពន្ឋនាគារជាប់ទោស១ឆ្នាំ ពិន័យជាប្រាក់ចំនួន២លានរៀល ពីបទបង្វែរវត្ថុរឹបអូសដាក់ធានា និងបង្គាប់អោយ ផូ ស៊ីផា សងសំណង ការខូចខាត៥ម៉ឺនដុល្លា និងសងជំងឺចិត្ត៣០លានរៀល ។
ជាមួយគ្នានោះ ជនឆបោករូបនេះ ក៏មានសុំណុំបណ្តឹងធ្ងន់មួយទៀត នៅក្នុងតុលាការ ឧទ្ឋរខេត្តបាត់ដំបងនៅឡើយពីបទឆបោក លុយ ដៃគូរកស៊ីជាមួយគ្នារាប់ម៉ឺនដុល្លា យកទៅទិញដីដាក់ឈ្មោះ ម្នាក់ឯង។ក្រៅពីសុំណុំរឿងខាងលើ នៅមានសុំណុំរឿងធ្ងន់ៗកំពុងប្តឹង លោក ផូ ស៊ីផា នៅតុលាការជាច្រើនទៀតនៅឡើយ សុទ្ឋតែជាសុំណុំរឿងពាក់ពន្ឋ័បទល្មើសព្រហ្មទណ្ឌ គេមិនដឹងថាលោក ផូ ស៊ីផា នេះគេចចេញ មកនៅក្រៅឃុំបានដោយរបៀបណាទេ ទោះជាមានស្លាបក៏ហោះ ចេញមិនរួចដែរ៕ ដោយ តាំង ហូ