ដោយសារតែការភ័យខ្លាចការរាលដាលនៃជំងឺរាតត្បាត លោក គីម ជុងអ៊ុន មេដឹកនាំកូរ៉េខាងជើងបានបញ្ជាឱ្យសម្លាប់សត្វឆ្មា និងសត្វព្រាបទាំងអស់នៅតាមតំបន់ព្រំដែន។ វិធានការណ៍ផ្សេងៗត្រូវបានណែនាំដោយអាជ្ញាធរក្នុងរយៈពេលប៉ុន្មានខែកន្លងមកនេះ ដែលរួមមានការបញ្ជាឱ្យសម្លាប់សត្វឆ្មាទាំងអស់នៅតាមផ្លូវ និងបាញ់សត្វឆ្មា ឬបក្សីណាដែលព្យាយាមឆ្លងកាត់ព្រំដែន។
ជាមួយគ្នានេះ ក៏មានសេចក្តីរាយការណ៍ថា គ្រួសារមួយមកពីស្រុក Songhu នៃខេត្ត Hyesan ត្រូវបានគេដាក់នៅក្នុងមណ្ឌលចត្តាឡីស័កសម្ងាត់ដោយពួកគេបានចិញ្ចឹមសត្វឆ្មារនៅក្នុងផ្ទះរបស់ពួកគេ។ ក្រុមគ្រួសារមួយត្រូវបានផ្តន្ទាទោសដាក់ពន្ធនាគាររយៈពេល ២០ថ្ងៃនៅក្នុងភាពដាក់ដោយឡែកចំពោះការចិញ្ចឹមឆ្មាខុសច្បាប់ យោងតាមបទបញ្ជា។
តែក្រុមគ្រួសារនោះបានប្រាប់អាជ្ញាធរថាឆ្មារបស់ពួកគេបានងាប់នៅពេលដែលក្រុមមន្ត្រីបានចុះទៅត្រួតពិនិត្យមើលថា តើពួកគេកំពុងទុកសត្វចិញ្ចឹម ឬអត់៕