សារព័ត៌មាន The Nation នៅព្រឹកថ្ងៃទី២៨ ខែឧសភា ឆ្នាំ២០២១ នេះ បានចុះផ្សាយ អំពីចំនួនអ្នកជំងឺកូវីដ១៩ ប្រមាណជាង៥០០នាក់ ជាជនជាតិមីយ៉ាន់ម៉ា បានរត់ចេញពីកន្លែងព្យាបាល នៅក្នុងខេត្ត ផេតឆាបុរី ប្រទេសថៃ ក្នុងអំឡុងពេលដាច់ចរន្តអគ្គិសនី។ ភ្លាមៗ អាជ្ញាធរថៃបានដាក់ពង្រាយកងកម្លាំងសន្តិសុខ គ្រប់គ្រងស្ថានការណ៍។
សូមជម្រាបថា ទីតាំងព្យាបាលបណ្តោះអាសន្នខាងលើនោះ រៀបចំឡើងក្នុងរោងចក្រមួយកន្លែង ក្នុងស្រុក Khao Yoi ចម្ងាយប្រហែល ១០០គីឡូម៉ែត្រ ពីភាគនិរតីទីក្រុងបាងកក៕
