ឥណ្ឌា បានក្លាយជាប្រទេសទី៣នៅលើពិភពលោក ដែលមានអ្នកស្លាប់ដោយសារជំងឺកូវីដ-១៩លើស ៣០ម៉ឺននាក់ បន្ទាប់ពីសហរដ្ឋអាមេរិក និងប្រេស៊ីល។
ក្រសួងសុខាភិបាលឥណ្ឌា បានរាយការណ៍អំពីអ្នកស្លាប់ដោយសារកូវីដ ចំនួន ៤,៤៥៤នាក់ក្នុងរយៈពេល២៤ម៉ោងចុងក្រោយ ដោយនាំឲ្យចំនួនអ្នកស្លាប់សរុបកើនដល់ ៣០៣.៧២០នាក់។
យោងតាមទិន្នន័យរបស់ក្រសួងសុខាភិបាល បានឲ្យដឹងថា ចំនួនអ្នកឆ្លងវីរុសកូវីដ-១៩ ប្រចាំថ្ងៃ ក៏មាន ២២២,៣១៥ករណីផងដែរ ដែលនាំឲ្យករណីសរុបកើនដល់ ២៦.៧៥ លានករណី។
អ្នកជំនាញព្រួយបារម្ភថា ចំនួនពិតប្រាកដគឺខ្ពស់ជាងតួលេខនេះឆ្ងាយណាស់ ជាពិសេសនៅពេលដែលជំងឺនេះ រាលដាលទៅដល់តំបន់ជនបទ ដែលជាកន្លែងមានប្រជាជនរស់នៅច្រើននិងប្រព័ន្ធសុខាភិបាលអន់ខ្សោយ៕