ខេត្តបាត់ដំបង! យោងតាមរបាយការណ៍ពីសមត្ថកិច្ចបានអោយដឹងថា ភ្លៀងលាយឡំខ្យល់កន្ត្រាក់បានបក់បោកខ្លាំងក្នុងមូលដ្ឋានស្រុកថ្មគោលបណ្តាលឲ្យខូចខាតផ្ទះប្រជាពលរដ្ឋអស់ជាច្រើនខ្នង។
ឧបទ្ទវហេតុគ្រោះធម្មជាតិខ្យល់កន្ត្រាក់ខាងលើនេះបានកើតឡើងកាលពីរសៀលថ្ងៃទី ១៦ ខែឧសភា ឆ្នាំ២០២១ ស្ថិតក្នុងភូមិទួល ស្រុកថ្មគោល ខេត្តបាត់ដំបង និងបានបង្កឲ្យមានការប៉ះពាល់ខូចខាតប៉ើងដំបូល និងជញ្ជាំងលំនៅស្ថានតូចធំរបស់ប្រជាពលរដ្ឋសរុបចំនួន០៨ខ្នងផ្ទះ។
ជាមួយអាកាសធាតុប្រែប្រួលខ្លាំងចំពោះមុខនេះមន្ត្រីផ្នែកគ្រប់គ្រងគ្រោះមហន្តរាយខេត្តបាត់ដំបងបានអំពាវនាវដល់បងប្អូនប្រជាពលរដ្ឋទាំងអស់ ពិសេសពលរដ្ឋដែលរស់នៅតំបន់ដាច់ស្រយាលឲ្យបង្កើនការប្រុងប្រយ័ត្នអោយបានខ្ពស់ពីសុវត្ថិភាពកូន ចៅ ឬផ្ទះសម្បែងផ្សេងៗឲ្យបានមុតមាំ ដើម្បីការពារកុំអោយកើតមានដូចជាករណីខាងលើ៕
