ខេត្តបាត់ដំបង! ជនសង្ស័យម្នាក់ត្រូវបានកម្លាំងអាវុធហត្ថខេត្តបាត់ដំបងចុះធ្វើការបង្ក្រាបឃាត់ខ្លួនពីបទកាន់កាប់ និងដឹកជញ្ជូនអាវុធខុសច្បាប់។
សមត្ថកិច្ចបានអោយដឹងថា កិច្ចប្រតិបត្តិការនេះដែរធ្វើឡើងកាលពីថ្ងៃទី ០៨ ខែឧសភា ឆ្នាំ ២០២១ នៅត្រង់ចំណុចភូមិចំការឬស្សី សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។
ជនសង្ស័យត្រូវបានឃាត់ខ្លួនឈ្មោះ សាំសុខ បញ្ញាវ័ន្ត ភេទប្រុស អាយុ ២៥ ឆ្នាំ មុខរបរជាងដែកស្នាក់នៅភូមិចំការឬស្សី សង្កាត់ព្រែកព្រះស្តេច ក្រុងបាត់ដំបង ពីបទកាន់កាប់ ឬដឹកជញ្ជូនអាវុធខុសច្បាប់។
វត្ថុតាងដកហូតបានរួមមាន: -កាំភ្លើង M16 ចំនួន០១ដើម, បង់ M16ចំនួន ១០បង់, បង់អាកា៤៧ ចំនួន០៤បង់, បង់ម៉ាត់តាយ៉ែតចំនួន០២បង់, គ្រាប់កាំភ្លើង M១៦ចំនួន ២៤២គ្រាប់, គ្រាប់កាំភ្លើងAK ៤៧ចំនួន ៦៤គ្រាប់, គ្រាប់ខ្ចិប AK ៤៧ចំនួន០៧គ្រាប់, គ្រាប់ម៉ាត់តាយ៉ែតចំនួន០៩គ្រាប់, មីនចំនួន០៤គ្រាប់, ទូសសៀចំនួន០១, ស្បែកជើងកវែងយោធាចំនួន០២គូ, ឯកសណ្ឋានប៉ារ៉ាចំនួន ០១កំប្លេ
, អាវភ្លៀងយោធាចំនួន០១
និងទូរស័ព្ទចំនួន០១គ្រឿង។
បច្ចុប្បន្នជនសង្ស័យរួមទាំងងវត្ថុតាងត្រូវបានកម្លាំងការិយាល័យជំនាញកសាងសំណុំរឿងបញ្ជូនទៅតុលាការចាត់ការតាមនីតិវិធី៕