(ប៉ៃលិន)៖ នៅរសៀលថ្ងៃទី៨ខែឧសភាឆ្នាំ២០២១លោកជំទាវ បាន ស្រីមុំ អភិបាលខេត្តប៉ៃលិននិងជាប្រធានគណៈកម្មាធិការសាខាកាកបាទក្រហមកម្ពុជាខេត្តប៉ៃលិន
.តំណាងរាស្រ្តមណ្ឌលប៉ៃលិន អភិបាលរងខេត្ត ក្រុមការងារសាខាកាកបាទក្រហមកម្ពុជាខេត្តរួម ទាំងយុវជនស.ស.យ.កបានអញ្ជើញចុះសួរសុខទុក្ខ និងនាំយកអំណោយគ្រឿងឧបភោគបរិភោគ និងថវិកា ដែលជាអំណោយដ៏ថ្លៃថ្លា សម្តេចអគ្គមហាសេនាបតីតេជោ ហ៊ុនសែននិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនជូនដល់ប្រជាពលរដ្ឋពិការនិងក្រីក្រចំនួន២៥គ្រួសារដែលរងវិបត្តិជម្ងឺកូវិដ១៩នៅស្រុកសាខាក្រៅខេត្តប៉ៃលិន។
ក្នុងឱកាស នោះលោកជំទាវបានពាំនាំប្រសាសន៍របស់សម្តេចតេជោហ៊ុនសែននិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងផ្តាំផ្ញើការសួរសុខទុក្ខ ដល់ចាស់ជរា និងជនពិការ។
ទន្ទឹមនឹងនេះ លោកជំទាវ សូមបន្តចូលរួមប្រយុទ្ធនឹងជំងឺកូវីដ-១៩ ស្របតាមប្រធានបទ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ឆ្នាំ២០២១ "ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងកូវីដ-១៩ និងកសាងភាពធន់របស់សង្គមជាតិ" ដោយផ្លាស់ប្តូរឥរិយាបទក្នុងការរស់នៅជាធម្មតាតាមកន្លងថ្មី រក្សាអនាម័យដៃស្អាត ពាក់ម៉ាស់ក្នុងករណីចាំបាច់ និងការរក្សាគម្លាតពីគ្នា ពិសេសអនុវត្តន៍អោយបានខ្ជាប់ខ្ជួននូវវិធានការ ៣ការពារ និង៣កុំ របស់ប្រមុខរាជរដ្ឋាភិបាលសម្តេចតេជោ ហ៊ុនសែន និងវិធានសុខាភិបាល ដើម្បីរួមគ្នាបង្ការ និងទប់ស្កាត់ការរីករាលដាលនៃជំងឺកូវីដ-១៩ ចូលក្នុងសហគមន៍ ។
សូមបញ្ជាក់ថា អំណោយចែកជូនតាមខ្នងផ្ទះទាំង២៥គ្រួសារ ក្នុងមួយគ្រួសារទទួលបាន ៖ អង្ករ ៥០ គីឡូ ត្រីខ ១ដុំ ទឹកត្រី ១យួរ មី កេស ពងទា ១ថាស ទឹកសុទ្ធ ២កេស ម៉ាស ១ប្រអប់ សាប៊ូ ១ដុំ ឃីត ១ និងថវិការ ១០ម៉ឺនរៀល៕
