ខេត្តបាត់ដំបង! កម្លាំងផ្នែកប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលតាលាស់ នៃអធិការដ្ឋាននគរបាលស្រុកមោងឬស្សី បានចុះប្រតិបត្តិការបង្ក្រាបឃាត់ខ្លួនជនសង្ស័យចំនួន០២នាក់ពីបទរក្សាទុកដោយខុសច្បាប់នូវសារធាតុញៀន។
លោកវរសេនីយ៍ឯក សុខ និមល នាយការិយាល័យនគរបាលប្រឆាំងគ្រឿងញៀនបានអោយដឹងថា នៅក្នុងកិច្ចចុះប្រតិបត្តិការខាងលើនេះដែរធ្វើឡើងនៅវេលាម៉ោង ០៨និង២៨នាទី ថ្ងៃទី០៧ ខែឧសភា ឆ្នាំ២០២១ នៅចំណុចក្រុមទី១២ ស្ថិតក្នុងភូមិម៉ាណោក ឃុំតាលាស់ ស្រុកមោងឬស្សី ខេត្តបាត់ដំបង។
ជាមួយកិច្ចប្រតិបត្តិការខាងលើនេះដែរ សមត្ថកិច្ចជំនាញបានធ្វើការឃាត់ខ្លួនជនសង្ស័យចំនួន០២នាក់-
១-ឈ្មោះ រឿត រុន ភេទប្រុស អាយុ ២៣ឆ្នាំ
២-ឈ្មោះ រឿត រះ ភេទប្រុស អាយុ ២២ឆ្នាំ ទាំងពីរនាក់រស់នៅភូមិម៉ាណោក ឃុំតាលាស់ ស្រុកមោងឫស្សី ខេត្តបាត់ដំបង ។
វត្ថុតាងចាប់យកបានរួមមាន! -ថ្នាំញៀនប្រភេទមេតំហ្វេតាម៉ីន(ម៉ាទឹកកកICE)ចំនួន ០២ ថង់ ទម្ងន់ ១១,០០ក្រាមទាំងសំបក
-ទូរស័ព្ទដៃចំនួន០៣គ្រឿង
-កាបូបចំនួន០១ មានប្រាក់ខ្មែរចំនួន២៩០០០រៀល(ពីរម៉ឺនប្រាំបួនពាន់រៀល)និងសម្ភារៈសម្រាប់ប្រើប្រាស់ច្រកថ្នាំញៀនលក់មួយចំនួនទៀត
ជនសង្ស័យនិងវត្ថុតាងរហូតមកដល់ពេលនេះត្រូវបានសមត្ថកិច្ចការិយាល័យជំនាញរៀបចំសំណុំរឿងបញ្ជូនបន្តទៅកាន់តុលាការដើម្បីចាត់ការតាមនីតិវិធី៕
