ខេត្តបាត់ដំបង៖ គ្រាប់យុទ្ធភ័ណ្ឌមិនទាន់ផ្ទុះសេសសល់ពីសម័យសង្គ្រាមរាប់ពាន់គ្រាប់ត្រូវបានព្រះសង្ឃប្រទះឃើញនៅបរិវេណវត្តគាស់ក្រឡ ខណៈដែលព្រះអង្គបន្ត ជីកដីដើម្បីដាក់លូធ្វើបង្គន់អនាម័យ។
លោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ បានអោយដឹងថាហេតុការណ៍ប្រទះឃើញគ្រាប់ យុទ្ធភ័ណ្ឌខាងលើនេះបានកើតឡើងនៅវេលាម៉ោង ១៥និង០០នាទី ថ្ងៃទី០៣ ខែឧសភា ឆ្នាំ២០ ២១ នៅចំណុចវត្តបុរាណនិវេសន៍(ហៅវត្តគាស់ក្រឡ)ស្ថិតក្នុងភូមិមុខវត្ត ឃុំគាស់ក្រឡ ស្រុកគាស់ក្រឡខេត្តបាត់បាត់ដំបងខណៈដែលព្រះសង្ឃគង់ក្នុងវត្តបានបន្ត ជីកដីដើម្បីដាក់លូធ្វើបង្គន់អនាម័យ ។
ក្រោយពីប្រទះឃើញព្រះសង្ឃក៏បានផ្តល់ព័ត៌មានដល់សមត្ថកិច្ចនគរបាលយើង ហើយសមត្ថកិច្ចក៏បានរាយការណ៍បន្តជូនអង្គភាពស៊ីម៉ាក់CMAC ដើម្បីចុះពិនិត្យជាក់ ស្តែង រួមគ្នានៅចំណុចទីតាំងខាងលើ បន្ទាប់មកមន្ត្រីជំនាញនៃអង្គភាពស៊ីម៉ាក់CMACបានប្រើប្រាស់គ្រឿងចក្រកាយទៅក្នុងដីនៅចំណុចនោះបានរកឃើញយុទ្ធភ័ណ្ឌមិនទាន់ផ្ទុះសរុបចំនួន១៨កេសដែក ស្មើនិង ៤៥០០គ្រាប់ ដែលជាប្រភេទគ្រាប់(PKF) ផ លិ តនៅប្រទេសអាមេរិច ។
ក្រោយពីប្រមូលបានមន្ត្រីជំនាញបានពិនិត្យនិងបញ្ជាក់ថា គ្រាប់យុទ្ធភ័ណ្ឌមិនទាន់ផ្ទុះខាងលើ វាបានខូចគុណភាពស្ទេីរទាំងស្រុង អស់ហើយនឹងត្រូវបានប្រគល់ជូនអង្គភាពស៊ីម៉ាក់CMACយកទៅរក្សាទុកដើម្បីរងចាំពេលវេលាដុតបំផ្លាញចោលនៅពេលក្រោយ។
គួរបញ្ជាក់ផងដែរថាកាលពីថ្ងៃទី២៣ ខែមីនា ឆ្នាំ ២០ ២១ កន្លងទៅ នៅទីអារាមនេះក៏ធ្លាប់បានប្រទះឃើញយុទ្ធភ័ណ្ឌមិនទាន់ផ្ទុះម្តងរួចមកហើយក្នុងខណៈដែលព្រះសង្ឃជីកដីដាក់លូធ្វើបង្គន់អនា ម័យ ដែលយុទ្ធភ័ណ្ឌទាំងនេះប្រភេទគ្រាប់កាំភ្លើង(PKF)ដូចគ្នាចំនួន ១៦កេស ស្មើនឹង ៤, ០០ ០គ្រាប់(ផលិតនៅប្រទេសឣាមេរិច)។
លោកអធិការដដែលបានបញ្ជាក់ថា តាមការវាយតម្លៃនិងសន្និដ្ឋាន គ្រាប់យុទ្ធភ័ណ្ឌទាំង នេះអាចត្រូវបានគេកប់ទុកក្នុងដីតាំងពីសម័យសង្គ្រាមយូរណាស់មកហេីយ ដែលរហូតពេលនេះបានខូចគុណភាពស្ទេីទាំងស្រុងអស់ ទៅហើយ។៕
