រដ្ឋមន្ត្រីក្រសួងសុខាភិបាលម៉ាឡេស៊ី លោក Adham Baba បាននិយាយកាលពីថ្ងៃទី ០២ ខែឧសភា ឆ្នាំ ២០២១ ថា ប្រទេសម៉ាឡេស៊ី បានរកឃើញករណីដំបូងនៃអ្នកឆ្លងជំងឺកូវីដ១៩ បម្លែងខ្លួនថ្មី ដែលមានប្រភពមកពីប្រទេសឥណ្ឌា ។
លោក Adham Baba បានបញ្ជាក់ទៀតថា ការរកឃើញនេះ គឺទៅលើជនជាតិឥណ្ឌាម្នាក់ ដែលបានឆ្លងកាត់ព្រាលានយន្តហោះអន្តរជាតិកូឡាឡាំពួ ។
យោងតាមប្រភពពីសារព័ត៌មាន xinhuanet ប្រទេសម៉ាឡេស៊ី កំពុងព្រឈមមុខជាមួយការកើនឡើងនៃចំនួន អ្នកឆ្លងជំងឺកូវីដ១៩ ហើយកាលពីថ្ងសពុធ កន្លងទៅនេះ រដ្ឋាភិបាលម៉ាឡេស៊ី បានសម្រេចបិទជើងហោះហើរ ចេញចូលប្រទេសឥណ្ឌា ព្រមទាំងមិនអនុញ្ញាតិឲ្យជនជាតិឥណ្ឌា ក៏ដូចជាអ្នកដំណើរដែលមានប្រវត្តិឆ្លងកាត់ប្រទេសឥណ្ឌា ចូលទឹកដីម៉ាឡេស៊ី ទៀតផង ដោយវិធានការនេះធ្វើឡើងដើម្បីទប់ស្កាត់នូវវីរុសកូវីដ១៩ ប្រភេទ B.1.617 ។
ជាមួយគ្នានេះដែរដែរ ប្រទេសម៉ាឡេស៊ីបានចាប់ផ្តើមកម្មវិធីចាក់វ៉ាក់សាំង Covid-19 នៅទូទាំងប្រទេសក្នុងគោលបំណងដើម្បីទទួលបាន ៨០% នៃប្រជាជន ៣២ លាននាក់ក្នុងរយៈពេលមួយឆ្នាំ។
គួរឲ្យដឹងផងដែរថា កាលពីថ្ងៃអាទិត្រ ខែឧសភា ឆ្នាំ ២០២១ ម្សិលមិញនេះ ក្រសួងសុខាភិបាលម៉ាឡេស៊ី បានរកឃើញករណីថ្មីនៃអ្នកឆ្លងវីរុសកូវីដ១៩ ចំនួន ៣.៤១៨នាក់ ដែននាំឲ្យមានអ្នកឆ្លងសរុបទូទាំងប្រទេសកើនឡើង ដល់ ៤១៥.០១២ ករណីរួមទាំងអ្នកស្លាប់ជាង ១.៥០០ នាក់ ៕