ប្រទេសអង់គ្លេសបានប្រកាសបញ្ជូនម៉ាស៊ីនផលិតឧស្ម័នអុកស៊ីសែនចំនួន៣គ្រឿងទៅកាន់ឥណ្ឌាដែលកំពុងរងគ្រោះខ្លាំងពីកូវីដ១៩។
រដ្ឋាភិបាលអង់គ្លេសបាននិយាយថា ម៉ាស៊ីន៣ឈុតមួយៗទំហំប៉ុនកុងតេនឺ អាចផលិតអុកស៊ីសែន៥០០លីត្រក្នុងមួយនាទី។ ជំនួយនេះត្រូវបានប្រកាសឡើងក្រោយការបញ្ជូនឧបករណ៍អុកស៊ីសែននិងប្រដាប់ដកដង្ហើមពីអង់គ្លេស ដែលបានទៅដល់ឥណ្ឌាកាលពីពេលកន្លងទៅ។ នេះនៅមិនទាន់រាប់បញ្ចូលជំនួយវេជ្ជសាស្ត្រផ្សេងៗទៀតនៅឡើយទេ។
ឥណ្ឌាកាលពីថ្ងៃពុធបានឃើញការស្លាប់ដោយកូវីដ១៩ឡើងហួស២០០.០០០នាក់នៅពេលចំនួនអ្នកជំងឺថ្មីជោរជន់មន្ទីរពេទ្យនិងបញ្ជូនគ្រួសារជាច្រើនចេញទៅស្វែងអុកស៊ីសែននិងថ្នាំព្យាបាលដោយខ្លួនឯង៕