នៅព្រឹកថ្ងៃអង្គារ ១រោច ខែពិសាខ ឆ្នាំឆ្លូវ ព.ស២៥៦៥ត្រូវនឹងថ្ងៃទី២៧ ខែមេសា ឆ្នាំ២០២១ក្រោមអធិបតីភាព លោកឧត្តមសេនីយ៍ត្រី តូច សកល ស្នងការរង ទទួលផែនការងារធនធានមនុស្សនិងសហការីផងដែរ នឹងលោកវរសេនីយ៍ទោ ដា ចំរេីន អធិការនគបាលក្រុងសៀមរាបបានដឹកនាំកម្លាំងចូលរួមក្នុងពិធីបុណ្យសព ព្រមទាំងប្រគល់ថវិការសមាគមមិត្តនគរបាល ដល់គ្រួសារសព លោកអនុសេនីយ៍ឯក តឹក ចាន់ថន អត្តលេខៈ២៩៧៧៦ ជាមន្ត្រីប៉ុស្តិ៍នគរបាលរដ្ឋបាលសង្កាត់ចុងឃ្នៀស ដែលបានទទួលមរណៈភាព កាលពីថ្ងៃទី២៦ ខែមេសា ឆ្នាំ២០២១ វេលាម៉ោង ១៥:៤០ នាទីរសៀល ដោយរោគាពាធ ។
លោកឧត្តមសេនីយ៍ត្រី តូច សកល ស្នងការរង ទទទួលផែនការងារធនធានមនុស្ស នឹងលោកវរសេនីយ៍ទោ ដា ចំរេីន បានប្រគល់ថវិកាសមាគមមិត្តនគរបាលចំនួន ៦.០០០.០០០ រៀល និងថវិការបស់លោកស្នងការរងទទួលផែនការងារធនធានមនុស្សចំនួន ២០០.០០០៛ សរុបចំនួន ៦.២០០.០០០៛ ប្រគល់ជូនក្រុមគ្រួសារសព ដើម្បីចាត់ចែងពិធីបុណ្យតាមប្រពៃណី ។ សូមវិញ្ញាណក្ខន្ធសពលោកអនុសេនីយ៍ឯក តឹក ចាន់ថន បានទៅកាន់សុខគតិភព កុំបីឃ្លៀងឃ្លាតឡេីយ ៕ ដោយ តាំង ហូ