នាយករដ្ឋមន្ត្រីModiបានទទួលស្គាល់ថា”ព្យុះCovid19”បានធ្វើឱ្យរញ្ជួយដល់ប្រទេសនេះខណៈដែលប្រទេសឥណ្ឌាបានកត់ត្រាចំនួនអ្នកឆ្លងថ្មីលើពិភពលោកសម្រាប់ថ្ងៃទី៤ជាប់ៗគ្នា។
ប្រព័ន្ធសុខាភិបាលឥណ្ឌា បានប្រកាសអាសន្នលែងទទួលព្យាបាលអ្នកជំងឺកូវីដ១៩ ក្រោយកង្វះអុកស៊ីសែន និងគ្រែមន្ទីរពេទ្យ។ ការកក្រើកជាថ្មីករណីឆ្លងដ៏ធ្ងន់ធ្ងរនៅក្នុងប្រទេសឥណ្ឌា នេះ គឺបន្ទាប់ពីរដ្ឋាភិបាលបានអនុញ្ញាតឱ្យប្រជាពលរដ្ឋរៀបចំពិធីបុណ្យសាសនា ឡើងវិញ។
នៅក្នុងសុន្ទរកថារបស់លោកនាយករដ្ឋមន្ត្រីNarendraModi បាននិយាយថា យើងមានទំនុកចិត្ត និងរំភើបបន្ទាប់ពីបានការពាររលករាតត្បាតជាលើកដំបូងដោយជោគជ័យ។ ប៉ុន្តែព្យុះនេះបានធ្វើឱ្យរញ្ជួយប្រទេស” និងរក្សាការប្រុងប្រយ័ត្ន។
សូមជម្រាបថា ចំនួននៃការឆ្លងCovid-19 នៅក្នុងប្រទេសឥណ្ឌាបានកើនឡើងចំនួន៣៤៩,៦៩១ក្នុងរយៈពេល២៤ម៉ោង ដែលនាំឱ្យចំនួនករណីសរុបកើនឡើងដល់១៦,៩៦លាននាក់។ នេះជាថ្ងៃទី៤ជាប់គ្នាដែលប្រទេសនេះបានកត់ត្រាចំនួនអ្នកឆ្លងnCoVក្នុងកំណត់ត្រាពិភពលោក២៤ម៉ោង។
អភិបាលញូវដេលី លោក ArvindKejriwal បានពង្រីកការបិទផ្លូវនៅក្នុងរដ្ឋធានីរយៈពេលមួយសប្តាហ៍ទៀត ដែលគ្រោងនឹងបញ្ចប់នៅថ្ងៃទី២៦ ខែមេសា ដើម្បីព្យាយាមការពារការរីករាលដាលមេរោគនេះ នៅពេលដែលទីក្រុងញូវដែលី កត់ត្រារាល់៤នាទីម្តង ដែលមនុស្សម្នាក់បានស្លាប់ដោយCovid-19៕