ខេត្តបាត់ដំបង! នៅរសៀលថ្ងៃទី១០ ខែមេសា ឆ្នាំ២០២១នេះ កម្លាំងក្រុមអន្តរាគមន៍បង្ការបង្ក្រាបដឹកនាំដោយលោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបាត់ដំបង បាននាំយកអំណោយជាគ្រឿងឧបភោគបរិភោគ និងថវិកាមួយចំនួនចែកជូនដល់គ្រួសារចាស់ជរាគ្មានទីពឹងនិងមានជំងឺប្រចាំកាយដែលកំពុងជួបការខ្វះខាតនៅក្នុងភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលបានអោយដឹងថា ក្រោយពីបានទទួលដំណឹងពីប្រជាពលរដ្ឋថាមានលោកយាយ លោកតា ០២ នាក់ ដែលលោកតា ឈ្មោះ យ៊ាំង អិត អាយុ ៧៤ ឆ្នាំ និងលោកយាយ ឈ្មោះ សូរ អឿន អាយុ ៦៥ ឆ្នាំ ដែលបច្ចុប្បន្នស្នាក់នៅភូមិ បោះ ពោធិ៍ ឃុំ អូរដំបង ១ ស្រុក សង្កែ ខេត្តបាត់ដំបង ភ្លាមនោះលោកបានចាត់អោយកម្លាំងក្រុមបង្ការ បង្ក្រាបចុះនាំយកនូវអំណោយ ជាគ្រឿងឧបភោគបរិភោគនិងថវិកាមួយចំនួនរបស់លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ទៅជូនដល់លោកយាយ លោកតា ដើម្បីដោះស្រាយបញ្ហាជីវភាពប្រចាំថ្ងៃ ផងដែរ។
អំណោយជាគ្រឿងឧបភោគបរិភោគនិងថវិកាដែលបានផ្តល់ជូនដល់លោកយាយ លោកតា ជាប្តីប្រពន្ធនាពេលនេះរួមមាន!
- អង្ករចំនួន៤០ គីឡូក្រាម
- ត្រី ខ ចំនួន ០៣ យួរ
- មី០២ កេស
- និងនិងថវិកាចំនួន៣០ម៉ឺនរៀលផងដែរ។
ជាចុងក្រោយលោកយាយ លោកតា ក៏បានថ្លែងអំណរគុណ និងជូនពរដល់លោកឧត្តមសេនីយ៍ទោស្នងការ និង កម្លាំងក្រោមឱវាទទាំងអស់អោយជួបតែពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។
