ថៃ ចាត់វិធានការបិទកន្លែងកំសាន្ត ទប់ស្កាត់កូវីដ-១៩ រលកទី៣ក្រុមការងារកូវីដ-១៩ បាននិយាយថា ប្រទេសថៃកំពុងពិចារណាបិទកន្លែងកម្សាន្តនៅទីក្រុង បាងកក និងខេត្តចំនួន៤០ ខណៈដែលអាជ្ញាធរបានប្រញាប់ប្រញាល់ដោះស្រាយករណីឆ្លងថ្មី និងការឆ្លង រាលដាលមេរោគទម្រង់ថ្មី។ នេះបើយោងតាមការចុះផ្សាយរបស់សារព័ត៌មានCNA នៅថ្ងៃទី០៨ ខែមេសា ឆ្នាំ២០២១។
ក្រុមការងារនេះ បានជំរុញឱ្យវិស័យសាធារណៈ និងឯកជន អនុញ្ញាតឱ្យនិយោជិកធ្វើការពីផ្ទះ និងជៀស វាងការធ្វើដំណើរដែលមិនចាំបាច់ ខណៈដែលមានការឆ្លងថ្មីចំនួន៤០៥ នាក់ត្រូវបានគេរាយការណ៍ នៅថ្ងៃព្រហស្បតិ៍នេះ នៅក្នុងការផ្ទុះថ្មីមួយដែលទាក់ទងនឹងកន្លែងកម្សាន្តពេលរាត្រីនៅទីក្រុងបាងកក។
ការឆ្លងរាលដាលថ្មីនេះ បានកើតឡើងនៅពេលវេលាដ៏ពិបាកមួយសម្រាប់ប្រទេសថៃ មុនថ្ងៃបុណ្យចូល ឆ្នាំថ្មីនៅសប្តាហ៍ក្រោយ៕
