លោក នួន ពុទ្ធារ៉ា អភិបាលនៃគណៈ អភិបាលក្រុងសៀមរាប នាយប់ថ្ងៃទី០៣ ខែមេសា ឆ្នាំ២០២១នេះ បាន ដឹកនាំក្រុម ការងារ នាំលិខិតសេចក្តីជូនដំណឹង របស់ រដ្ឋបាលខេត្តសៀមរាប មកជម្រាបជូនបងប្អូនប្រជាពលរដ្ឋ និងក្រុមគ្រូពេទ្យដែលជាប់ពាក់ពន្ធ័ក្នុងទីតាំង មន្ទីរសម្រាកព្យាបាល៧៧៧ សៀមរាប មន្ទីពហុព្យាបាលសុខភាព បន្ទប់ពិគ្រោះព្យាបាលជម្ងឺ ទូច កូ និងបន្ទប់ថែទាំវេជ្ជសាស្ត្រ ចាវ ចាន់ ស្ថិតនៅក្នុងក្រុងសៀមរាប ខេត្តសៀមរាប អោយវិលត្រឡប់ទៅលំនៅឋានវិញ តែតម្រូវធ្វើចត្តាឡីស័កបន្ត រយៈពេល១៤ថ្ងៃបន្ថែមទៀត។
ជាមួយគ្នានេះ លោកអភិបាលក្រុងសៀមរាប ក៏បានស្នើរសូមអោយបងប្អូនប្រជាពលរដ្ឋ បន្តការពារខ្លួនឯង ឲ្យបានខ្ជាប់ខ្ជួនបំផុត ដើម្បីសុវត្ថិភាព ខ្លួនយើង និងសមាជិកក្រុមគ្រួសារ រួមទាំង សង្គមជាតិ យើ ងផងដែរ ៕ ដោយ តាំង ហូ