WHO និយាយថា វ៉ាក់សាំង Sinovac និង Sinopharm របស់​ចិន មាន​ប្រ​សិ​ទ្ឋ​ភាព​

ថ្ងៃព្រហស្បតិ៍ 1 មេសា 2021, 13:1

​អ្នកជំនាញ​ផ្នែក​ថ្នាំ​បង្ការ​របស់​អង្គការ​សុខភាព​ពិភពលោក (WHO) បាន​និយាយថា តាម​ការវិភាគ​ជា​បណ្តោះ​អាសន្ន​មួយ ទៅលើ​ទិន្នន័យ​ពិសោធន៍​របស់​វ៉ាក់សាំង​ចិន​គឺ Sinovac និង Sinopharm បាន​បង្ហាញថា​វ៉ាក់សាំង​ទាំង​២​នេះ «​មាន​សុវត្ថិភាព​និង​ប្រសិទ្ធភាព​» ទោះយ៉ាងណា​ក៏ដោយ​ពួកគេ​និយាយថា​ត្រូវការ​ទិន្នន័យ​បន្ថែមទៀត​សម្រាប់​ពួកគេ​ដើម្បី​អនុម័ត​។​

 

​ក្រុម​អ្នកជំនាញ​ខាង​យុទ្ធសាស្ត្រ​ស្តីពី​ការចាក់​ថ្នាំ​បង្ការ (SAGE) ដែលជា​ទីភ្នាក់ងារ​សុខ​ភាព​របស់​អង្គការសហប្រជាជាតិ ដែល​ផ្តល់យោបល់​ដល់​អង្គការ​សុខភាព​ពិភពលោក ស្តីពី​គោលនយោបាយ​ស្តីពី​ការចាក់​ថ្នាំ​បង្ការ​បាន​និយាយថា ការសិក្សា​គួរតែ​ប្រមូល​ទិន្នន័យ​បន្ថែម​លើ​ស៊ី Sinovac និង Sinopharm ដែល​នៅ​ខ្វះខាត​ទិន្នន័យ​បញ្ជាក់​ពី​ក្រុមមនុស្ស​ដែលមាន​អាយុ​ច្រើន​និង​មនុស្ស​ដែលមាន​បញ្ហា​សុខភាព​។​

 

​ប្រធាន SAGE លោក Alejandro Cravioto បាន​ប្រាប់​អ្នកសារព័ត៌មាន​ថា «​សម្រាប់​ពេលនេះ​យើង​មាន​ព័ត៌មាន​ថា​វ៉ាក់សាំង​ទាំងនេះ​មាន​សុវត្ថិភាព​ហើយ​វ៉ាក់សាំង​ទាំង​២​នេះ​កំពុង​ស្ថិតក្នុង​ដំណើរការ​កំណត់​ការវិភាគ​ចុងក្រោយ ដើម្បី​បង្ហាញ​ពី​ប្រសិទ្ធភាព​ដែល​នឹងត្រូវ​ប្រើ​សម្រាប់​ការអនុញ្ញាតិ​ក្នុងការ​ចុះបញ្ជី​ការប្រើ​ជាបន្ទាន់​»​។ CGTN  នៅ​ថ្ងៃទី​០១ ខែមេសា ឆ្នាំ​២០២១

WHO និយាយថា វ៉ាក់សាំង Sinovac និង Sinopharm របស់​ចិន មាន​ប្រ​សិ​ទ្ឋ​ភាព​

PLB Banner on article detail

អត្ថបទពេញនិយម