ខេត្តបាត់ដំបង! អគ្គិភ័យមួយបានលេបត្របាក់ផ្ទះផែបណ្តែតទឹកចំនួន០៣ខ្នងអស់ទាំងស្រុង កាលពីវេលាម៉ោង ០៤និង៤០នាទីទៀបភ្លឺ
ឈានចូលថ្ងៃទី ៣០ ខែមីនា ឆ្នាំ២០២១ ស្ថិតនៅក្នុងចំណុចកោះដាច់ ភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង ។
សមត្ថកិច្ចបានអោយដឹងថាករណីអគ្គីភ័យកើតឡើងចំនួន០១លើកខាងលើនេះបណ្តាលឲ្យឆេះផ្ទះផែបណ្តែតទឹកចំនួន០៣ខ្នង(ខូចខាតទាំងស្រុង)របស់ក្រុមហ៊ុនEasia Travel (សម្រាប់ទទួលភ្ញៀវទេសចរណ៍បរទេស) ដែលក្នុងនោះមាន!
1️⃣ផទះផែពណ៌ស ទំហំ ១៥ម៉ែត្រx៨ម៉ែត្រ កម្ពស់ ៤.៥០ម៉ែត្រ ជញ្ជាំងក្តារ ដំបូលប្រក់ស័ង្កសី
2️⃣ផទះផែពណ៌ក្រហម ទំហំ ១៤ម៉ែត្រx៧ម៉ែត្រ កម្ពស់ ៤ម៉ែត្រ ជញ្ជាំងឈើ ដំបូលប្រក់ស័ង្កសី
3️⃣ផទះផែពណ៌បៃតង ទំហំ ១២ម៉ែត្រx៦ម៉ែត្រ កម្ពស់ ៤ម៉ែត្រ ជញ្ជាំងស័ង្កសីលាយឈើ ដំបូលប្រក់ស័ង្កសី ដែលមានម្ចាស់ឈ្មោះ អោម សីចាន់ ភេទស្រី អាយុ៣៥ឆ្នាំ មុខរបរជាបុគ្គលិកក្រុមហ៊ុនទេសចរណ៍ Easia Travel មានទីលំនៅភូមិក្តី ឃុំព្រៃតាហ៊ួ ក្រុងស្ទឹងសែន ខេត្តកំពង់ធំ។
សម្ភារខូចខាតរួមមាន៖
-ឆេះគ្រែដេក
-ឆេះកង្ហាលើតុ
-ឆេះម៉ាស៊ីនភ្លើង,ម៉ាស៊ីនបូមទឹក
-និងសម្ភារសម្រាប់ចម្អិនអាហារទទួលភ្ញៀវបរទេសកន្លងមកផងដែរ សរុបគិតជាទឹកប្រាក់អស់ប្រហែល ៤២.៩០០ ដុល្លារ។
សមត្ថកិច្ចបានបញ្ជាក់បន្ថែមថា មូលហេតុនៃការឆេះ បង្កដោយមនុស្ស(មានជនមិនស្គាល់មុខលួចដុតបំផ្លាញ។
