ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានធ្វើការអំពាវនាវដល់បងប្អូនប្រជាពលរដ្ឋ ជួយការពារប្រភពទឹក ជៀសវាងកុំឲ្យមានការបង្កបង្កើនផលស្រូវប្រាំងបន្ថែមទៀត ព្រោះប្រភពទឹកនេះ ទុកសម្រាប់តែការប្រើប្រាស់ក្នុងជីវភាពប្រចាំថ្ងៃប៉ុណ្ណោះ ព្រោះថារដូវប្រាំងក៏នៅមានពេលវេលាយូរទៀត។ នេះបើយោងតាមការបង្ហោះលើគេហទំព័រហ្វេសបុករបស់រដ្ឋបាលខេត្តបន្ទាយមានជ័យ នៅថ្ងៃទី០៣ ខែមីនា ម្សិលមិញ។
យ៉ាងណាក៏ដោយ រដ្ឋបាលខេត្ត បានស្នើកុំឱ្យបងប្អូនស្រុកមង្គលបូរី ព្រួយបារម្ភ ព្រោះពេលនេះ បរិមាណទឹកដែលក្រុមការងារជំនាញមន្ទីរធនធានទឹកខេត្ត បានបូមទាំងយប់ទាំងពីស្ទឹងសិរីសោភ័ណ ទៅកាន់ស្ទឹងមង្គលបូរី ក្នុងចំងាយប្រមាណ១៥ គីឡូម៉ែត្រ បានកំពុងហូរចូលស្ទឹងមង្គលបូរី នៅត្រង់ចំណុចឃុំបត់ត្រង់ ស្រុកមង្គលបូរី ហើយ៕
