ខេត្តបាត់ដំបង៖ ភ្លៀងលាយឡំនឹងខ្យល់កន្ត្រាក់បានវាយប្រហារទៅលើផ្ទះរបស់ប្រជាពលរដ្ឋចំនួន០៣ឃុំស្ថិតក្នុងស្រុករុក្ខគីរី ខេត្តបាត់ដំបង ដែលបណ្តាលអោយខូចខាតសរុបចំនួន ៤០ ខ្នង រួមនិងរោងម៉ាស៊ីន ០១ខ្នងផងដែរ។
សមត្ថកិច្ចបានគូសបញ្ជាក់អោយដឹងថា ហេតុការណ៍គ្រោះធម្មជាតិភ្លៀងលាយឡំនិងខ្យល់កន្ត្រាក់ខាងលើនេះ បានកើតឡើងកាលពីវេលាម៉ោង១៥និង២០នាទីរសៀល ថ្ងៃទី០២ ខែមិនា ឆ្នាំ២០២០១ ប៉ះពាល់ទៅលើឃុំចំនួន០៣ និងបណ្ដាលអោយខូចខាតលំនៅឋានរបស់ប្រជាពលរដ្ឋសរុបចំនួន៤០ខ្នង និងរោងម៉ាស៊ីនចំនួន ០១ខ្នង។
សមត្ថកិច្ចបានបន្តទៀតថា ក្នុងចំណោមផ្ទះទាំង៤០ខ្នងដែលរងការខូចខាតក្នុងនោះមាន!
-ឃុំស្តុកប្រវឹក រងការខូចខាត របើកដំបូលចំនួន២២ខ្នងផ្ទះ
-ឃុំព្រៃត្រឡាច រងការខូចខាត របើកដំបូលចំនួន ១៣ខ្នងផ្ទះ
-ឃុំមុខរាហ៍ រងការខូចខាតរបើកដំបូលចំនួន ០៥ខ្នងផ្ទះ រួមនឹងរោងម៉ាស៊ីនកិនស្រូវ ចំនួន០១ខ្នង ត្រូវបានហោះធ្លាក់ចេញពីលើជើងតាងផងដែរ៕
